Kupuzo ya Lifu la Jesu
La Bune, April 2, 2026
Hañwi ka silimo, Lipaki za Jehova bakopananga hamoho kuhupula lifu la Jesu, sina feela mwanaalaelezi hanaaize: “Muezange cwalo kuli munihupule.”—Luka 22:19.
Lwamimema, mina ni lubasi lwamina kuli muto fumaneha kwa mukopano wo.
Lipuzo Zebuziwanga Hañata
Ki bo mañi babakona kufumaneha kwa mukopano wo?
Batu kaufela balukuluhile kutaha. Mulukuluhe kumema mulikanaa mina mi mutahe ni lubasi lwamina.
Mukopano wo ukaanga nako yekuma kai?
Ukaanga nako yebato eza hora iliñwi.
Ukaezezwa kai?
Mubuze Lipaki za Jehova kuli muzibe kouka ezezwa mwa sibaka semupila ku sona.
Haiba nifumaneha kwateñi, kana nikatokwa kulifa masheleñi kamba kueza buitamo bwa kuli nikatahanga kwa mikopano?
Batili.
Kana kukaba ni likoleko?
Batili. Haluungangi likoleko kwa mikopano yaluna.—Mateu 10:8.
Kana kunani milao yebulela ka za mwaswanela kuapalela mutu?
Batili. Nihakulicwalo, Lipaki za Jehova balikaanga kuapala ka nzila yeswanela ni yebonisa likute kwa kezahalo ya butokwa hahulu ye.
Ki lika mañi zekaezahala kwa Kupuzo?
Mukopano wo ukakalisa ni kufela ka kuopela pina, hamoho cwalo ni tapelo yekafiwa ki sikombwa yali Paki ya Jehova. Tukiso ye ikopanyeleza ni ngambolo yeka nyakisisa butokwa bwa lifu la Jesu ni molukona kutusezwa ki lika zeo Mulimu ni Kreste baluezelize.
Kuli muzibe zeñata, mubone taba yeli, “Ki Kabakalañi Lipaki za Jehova Habaezanga Mulalelo wa Mulena ka Kushutana ni Mobuezezanga Bulapeli Bobuñwi?”
Kupuzo ya mwa lilimo zesataha ikaeziwa lili?
2026: La Bune, April 2
2027: La Mande, March 22
Hape Mwendi Mwakona Kutabela Litaba Ze
KUPUZO
Muhupule Lifu la Jesu
Lwamimema kuli muto kopana hamoho ni luna kwa mukopano wa butokwa wo. Mukaituta ka mo bupilo bwa Jesu ni lifu lahae likona kumituseza.
LITUTO ZA BUTOKWA ZA MWA BIBELE
Ki Kabakalañi Jesu Hanaashwile?
Mwendi muutwile kuli Jesu naashwezi libi zaluna. Kono kana lifu la mutu alimuñwi lakona kutusa batu babañata-ñata?
LITABA ZEÑWI ZETUSA
Mutusiwe ki Sitabelo sa Jesu
Ki lika mañi zepeli zeli za butokwa zanaa lulutile Jesu kuli luliezange ilikuli lutusiwe ki lifu lahae?
KA ZA LUNA
Mufumanehe Kwa Mukopano
Muzibe litaba ka za mikopano yaluna. Mufumane sibaka sa mikopano sesili bukaufi ni komupila.