Lisamu 87:1-7
-
Sione, muleneñi wa Mulimu wa niti
-
Babapepezwi mwa Sione (4-6)
-
Samu ya bana ba Kora.+ Pina.
87 Mitomo ya muleneñi wahae i mwa malundu akenile.+
2 Jehova ulata hahulu minyako ya Sione+Kufita litende kaufela za Jakobo.
3 Ubulelwa ka litaba zende, wena muleneñi wa Mulimu wa niti.+ (Selah)
4 Nikabalela Rahaba+ ni Babilona mwahalaa baba niziba;*Hamubone Filisita ni Tire, hamoho ni Kushi.
Mañi ni mañi wabona ukabulelwa kuli: “Yo ki yena yanaapepezwi mwa Sione.”
5 Mi ka za Sione kukabulelwa kuli:
“Mañi ni mañi naapepezwi mwateñi.”
Mi Yapahami ka Kufitisisa uka mutiisa.
6 Jehova haakañola macaba, ukazibahaza kuli:
“Yo ki yena yanaapepezwi mwa Sione.” (Selah)
7 Baopeli+ ni bababina ka sikwenda,+ bakali:
“Maweluwelu aka kaufela a ku wena.”*+
