Musambo 99:1-9
99 Yehowa bafiki Nfumu. Miilo yoso isuuse.
Mmushale mu nkuasa a bufumu kunundu* kua bakeluba. Nsenga itshinkietshinkie.
2 Yehowa mmukata mu Siyona,Na e kuiyilu kula kukila miilo yoso.
3 Batumbishe eshina diobe dikata,Muanda ndia kutshina na ndia kishila.
4 Nyi nfumu e na bukome, mufule kululama.
We munyingishe ngofu miiya ya kululama.
We mufuishe kululama na kutshiba kua biimu kalolo mu Yakobo.*
5 Tumbishayi Yehowa Efile Mukulu eetu, na nuiname ku kitudilo kia ngua yaye.
Muanda nga kishila.
6 Moyise na Alona babaadi munkatshi mua ba tshite muakuidi baye,Samuele baadi munkatshi mua baba abetamina eshina diaye.
Babaadi abetamina Yehowa,Na baadi ebaluula.
7 Baadi esamba nabo kukiila ku musungo w’ekumbi.
Babaadi balame mitentekiesho yaye na mayi abaadi muibape.
8 Ô Yehowa Efile Mukulu eetu, bodi webaluula.
Bodi Efile Mukulu baadi ebafuila lusa,Anka bodi webanyoko bua miluisho yabo ibaabadi abakitshi.
9 Tumbishayi Yehowa Efile Mukulu eetu,Na nuiname kumpala kua muengie waye wa kishila,Muanda Yehowa Efile Mukulu eetu nga kishila.
