Musambo 105:1-45
-
Bikitshino bia lulamato bia Yehowa kui muilo waye
-
Efile Mukulu atentekiesha kilombeno kiaye (8-10)
-
“Tanukumanga bedibue muimu bande” (15)
-
Efile Mukulu bafubiishe Yosefe baadi mupanyibue bu mpika (17-22)
-
Bilengieleshi bia Efile Mukulu mu Ejipitu (23-36)
-
Kukatuka kua bena Isalele mu Ejipitu (37-39)
-
Efile Mukulu atentekiesha mulayilo ubaadi mukite kui Abalahama (42)
-
105 Tumbulayi Yehowa, itanyinayi eshina diaye,Nuukishe bikitshino biaye munkatshi mua miilo!
2 Muyimbileyi, muyimbileyi ngono ya kumutumbisha nayo,Nangushenayi* pabitale midimo yaye yoso ya kukaanya.
3 Etumbisheyi pabitale eshina diaye dia kishila,Mashimba a boso abakimbi Yehowa ekale na muloo.
4 Kimbayi Yehowa, na bukome buaye.
Nukimbe mpala yaye mafuku oso.
5 Tentekieshayi midimo yaye ya kukaanya yadi mukite,Bilengieleshi biaye na biimu biadi mutshibe,
6 Anue bana ba Abalahama mufubi aaye,Na anue bana ba Yakobo babaadi musangule.
7 Aye mmuikale Yehowa Efile Mukulu eetu.
Biimu biaye mbitale bantu boso ba pa nsenga.
8 Atentekiesha kilombeno kiaye bua loso,Mulayilo ubaadi mukite, mpa na ku bipungo kinunu bia bantu,
9 Kilombeno kibaadi mukite na Abalahama,Na mutshipo ubaadi muitshipe kui Isaake,
10 Baadi mushinkamishe wawa mutshipo bu muiya kui YakoboNa bu kilombeno kia loso kui Isalele,
11 P’aye kuamba’shi: “Nakakupa nsenga ya Kanaana,Ayikala bu bobe bupianyi.”
12 Bino bibakitshikile pabaabadi bapeela,Eyendo, babaadi bapeela ngofu, na babaadi benyi mu eumbo.
13 Babaadi abende ku kisamba na kisamba,Abakatuka ku abu bufumu abende kui ungi muilo.
14 Tabaadi mutadiile muntu su ngumune bua’shi ebakiengieshe,Anka baadi munyokie ba nfumu pa muanda wabo,
15 Aye nkuamba’shi: “Tanukumanga bedibue muimu bande,Na tanukitshinanga batemuki bande bibubi.”
16 Bafuishishe nsala muiumbo.
Baadi muibasumine mikate.*
17 Batumine muntu kumpala kuabo,Yosefe, baadi mupanyibue bu mpika.
18 Babaadi baanye ngua yaye mu nkano,Nshingo yaye, babeyitueshele mu bilonda.
19 Mpa nka na nsaa ibaadi eyi diaye dikumbane,Eyi dia Yehowa nyi dibaadi adimutoosha.
20 Nfumu batumine eyi bua’shi bamupoosole,Mukunkushi a miilo nkumufungula.
21 Bamutuudile bu mukata a nshibo yaye,Bua kukunkusha bintu biaye bioso,
22 Bua kuikala na matalua kui bakunkushi ba nfumu, moso muakiebela,Na kulongiesha bakulu ba mu Ejipitu binangu.
23 Akupu Isalele nkufika mu Ejipitu,Na Yakobo nkushala bu muenyi mu nsenga ya Kame.
24 Efile Mukulu bakitshine bia’shi muilo waye witandene ngofu,Baadi muibekashe na bukome kukila beshikuanyi babo.
25 Balekiele mashimba aabo buaadia kushintuluka bua’shi bashikue muilo waye,Bua kudiila bafubi baye lukuku.
26 Batumine mufubi aaye Moyise,Na Alona, babaadi musangule.
27 Babakitshine bitunduilo biaye munkashi muabo,Bilengieleshi biaye mu nsenga ya Ame.
28 Batumine mufito, na muiumbo nkuela mufito,Tababaadi batombokiele mayi aaye.
29 Baluluile mema aabo bu mase,Na aye nkuipaa mishipa yabo.
30 Eumbo diabo dibaudile nsobia,*Mpa na mu tudimbo tua nfumu.
31 Baadi mutumine bibuwa eyi buabidia kuibatuelelaMpa na tumue mu bipindi biabo bioso bia nsenga.
32 Baluluile mpeshi aabo aye nkufika mpeshi a mabueNa batumine mipenyo* muiumbo diabo.
33 Baluishile nfinyo yabo na mitshi yabo ya nfigiyeAye nkusaasula mitshi ya mu bipindi biabo bia nsenga.
34 Batumine eyi bua’shi mpasu ya nshiye ibatuelele,Mpasu yana ibungi bushi bia kubadika.
35 Ibadiile bikunuanga bioso bia muiumbo,Na ayo nkudia bintu bioso bibaadi nsenga ituushe.
36 Akupu, aye nkuipaa muana mbedi oso a muiumbo diabo,Mbangilo a bukome buabo bua kutanda.
37 Batuushile muilo waye, ao nkutuuka na kiamo kia arja na ôlo,Na takui muntu su ngumune a mu bisamba biaye baadi mukokole.
38 Bena Ejipitu babasankile pababayile,Muanda babaadi bakuatshikie moo wibukopo pa muanda wa bena Isalele.
39 Batumine ekumbi bua kuibabuikilaNa kaalo bua kuibamunyikila bufuku.
40 Babatekiele muita, na aye nkuibapa tonyi tua tupoopo,Baadi ebekutshisha na mikate ya muiyilu.
41 Bashituile lubuebue na mema nkupongoloka,Ano mema abapongolokiele mu kabaaka nka bu muela.
42 Muanda baadi mutentekieshe mulayilo wa kishila ubaadi mukite kui Abalahama mufubi aaye.
43 Biabia batuushile muilo waye na ntumbo,Aye nkutuusha basangulue baye na misaase ya muloo.
44 Bebapele nsenga ya miilo,Babaadi bapiane bintu bibaadi ingi miilo ikuatshile mudimo wibukopo bua kuibipeta.
45 Bua’shi balame bitshibilo biayeNa balame miiya yaye,Tumbishayi Yah.*
Mayi e mushi mwesaki
^ Sunga pangi “Akulayi pabitale.”
^ Kish ku kish. “Batshokuele mitshi yoso ya mikate.” Abilesha pangi mitshi ibaabadi abapombeela mikate i bu bifulu bua kuiyilama.
^ Sunga “ngunda.”
^ Sunga “ndimi ya kaalo.”
^ Sunga “Aleluya,” kishima “Yah” nyi mushindo wa kufunda eshina dia Yehowa mu kitshibo.
