Musambo 75:1-10
-
Efile Mukulu asambishaa na kululama
-
Bantu bebubi abakatomo kipulu kia Yehowa (8)
-
Kui mukunkushi. Muyile musambo wa “Tonfuishilanga kabutu.” Wa Asafe. Loono.
75 Atukutumbula, Ô Efile Mukulu, atukutumbula;Eshina diobe di pepi netu,Na bantu abakula pabitale midimo yobe ya kukaanya.
2 Okula’shi: “Pantshibi nsaa,Nasambisha na kululama.
3 Pabaadi nsenga na boso bemushale abisunguluka,Ami nyi baadi munyingishe misungo yayo.” (Sela)
4 Nalungula ba sha kuikaamisha’shi: “Lekayi kuikaamisha,”Na bantu bebubi’shi: “Tanutumbishanga bukome buenu.
5 Tanuikaamishanga muiyilu,Sunga kuakula na kuitatula.
6 Muanda kukaamishibua t’akutuukilaaKutunduka nguba sunga kupona nguba sunga kuushi.
7 Muanda Efile Mukulu nyi Nsushi.
Ayishaa umune na akaamisha ungi.
8 Muanda kipulu ki muiyasa dia Yehowa,Nfinyo ayitutuma muanka na ngisobibue kalolo.
Mbinyibinyi, akeyipongoola,Na bantu boso bebubi ba pa nsenga abakeyitomo mpa na payipu.”
9 Anka buande’mi, nakaukisha uno muanda bua loso,Nakayimbi bua kutumbisha Efile Mukulu a Yakobo.
10 Muanda akula’shi: “Nakapu bukome boso bua bantu bebubi,Kadi bukome bua bantu balulame abukatumbishibua.”
