Musambo 104:1-35
104 Natumbisha Yehowa.
Ô Yehowa Efile Mukulu ande, we mukile bukata.
We mufuale kinemo na ntumbo.
2 We muipombele etaata bu kilamba,We muole eyilu bu kilamba kia epema.
3 Mmutuule bibayi bia tudimbo tuaye tua kunundu panundu* pa mema,Ayikasha makumbi bu etempu diaye,Atambuka ku mbaba ya lupunga.
4 Mmuikashe miikeyilu yaye bikudi,Na bafubi baye bu kaalo akataatshisha.*
5 Bashimikile nsenga pa bitako biayo,Tangilombene kusanyishibua pa mbalo yayo bua loso.
6 We muiyipute na mema ala nka bu kilamba.
Mema abaadi emane kunundu kua miengie.
7 Pueasashila aasuuku,Ku mukungulo wa eyi diobe abasuukile na moo.
8 —Miengie ibakaamine na mabanda nkualala—
Ku mbalo ibodi muibilumbuluile.
9 Botuudile mudianyino waashii alombene kusambuka,Bua’shi taapuutanga dingi nsenga.
10 Mmutume nsulo ya mema mu mabanda,*Ayalala munkatshi a miengie.
11 Ayituusha mema bua nyema ya mu kisuku,Mpunda ya mu kisuku ayipu nyota yayo.
12 Kunundu kuayo akushala tonyi tua muiyilu,Atuyimbi munkatshi mua mitshi i na masaki e bungi.
13 Amiamina mema ku miengie kukatukila mu tudimbo tuaye tua muiyilu.
Nsenga ngikute bimuma bia ku midimo yobe.
14 Amenesha lubishi bua ngombe,Na bisakisaki bua kukuasha bantu,Bua kumenesha bia kudia pa nsenga,
15 Na nfinyo ayisangashaa eshimba dia muntu,Na muimu aukitaa bia’shi mpala ya muntu ilangielangie.
Na mukate aunyingishaa muntu afuiyaa.
16 Mitshi ya Yehowa ngikute,Mitshi ya sedre ya mu Lebanone ibaadi mukune,
17 Tonyi atuimuelelaa masua.
Nshibo ya kionyi kia kiabula* i mu mitshi ya jenevriye.
18 Miengie i bula mbishalelo bia mbushi ya ku miengie,Na mbuebue mbifuamino bia nseeshi.
19 Bapangile mueshi bua kulesha bipungo bitshibibue.
Nguba aukaa kalolo nsaa yaye ya kupona.
20 Ofuishaa mufito, na bufuku abuyidi,Nsaa ayitambakanaa nyema yoso ya mu mutamba.
21 Ntambue yana ayikungula bua kukuata nyema ya kudia,Ayitekie bidibua biayo kui Efile Mukulu.
22 Nsaa ayitunduka nguba,Ayende mu kulala mu bifuamino biayo.
23 Muntu ende ku mudimo waye,Na afubu bibukopo mpa na ku kiolua.
24 Ô Yehowa! Midimo yobe i bungi bukile,We muiyikite yoso na binangu.
Nsenga ngiule na bintu biodi mukite.
25 Kui kalunga ka mema kakata na kangabale,Kaule na bipangua bi na muwa bikata na bipeela, bi bungi bushi bua kubadika.
26 Mashuwa aatambukilaa muanka,Na Leviatane* obodi mupangie bua kuasha muanka.
27 Bino bipangua bioso mbikutengieleBua kuibipa bia kudia mu kipungo kilombane.
28 Abitambula bintu biokuete kuibipa.
P’ofungula eyasa diobe, abiikuta na bintu bibuwa.
29 P’ofuamisha mpala yobe, abikuatshika moo.
Su bokatusha kikudi kiabio, abifu na abialukila ku lufufi.
30 Su botumu kikudi kiobe, abipangibua,Na ofuishaa bintu bi pa nsenga bipia.
31 Ntumbo ya Yehowa ayikala kuanka bua loso.
Yehowa akasangeela mu mifubo yaye.
32 P’atala nsenga, ayisuusu.
P’akumu miengie, ayitusha miishi.
33 Nakayimbila Yehowa mu muwa wande oso.
Nakayimbi misambo* bua kutumbisha Efile Mukulu ande, mafuku oso anekala na muwa.
34 Binangu biande bikale abimusankisha.
Nakasankila mui Yehowa.
35 Ba nkitshishi ba miluisho abakashimina pa nsenga,Na bantu bebubi tabakekala dingi kuanka.
Biabia natumbisha Yehowa. Tumbishayi Yah!
