Musambo 126:1-6
Musambo wa pa kukaamina.
126 Pabaadi Yehowa mualushe bantu ba mu Siyona babaabadi bakuate benda nabo,Tubamuene nka bu kilotua.
2 Mu kiakia kipungo mukanua muetu mubaadi muwule na tusepo,Na ludimi luetu nkuela misaase ya muloo.
Mu kiakia kipungo babaadi abakula munkatshi mua miilo’shi:
“Yehowa bebakitshina mianda ikata.”
3 Yehowa betukitshina mianda ikata,Na tui na muloo ukile bungi.
4 Alusha namu bantu betu babaabadi bakuate benda nabo, Ô Yehowa,Nka bu tumisulo tua mu Negebe.
5 Baba abakunu na mpolo,Abakaumbula na misaase ya muloo.
6 Yawa atuuku bua kuenda sunga kuete kudila,Mmusemune kafuko kaye ka mbio,Akalukiila binyibinyi na misaase ya muloo,Mmusemune biumbuluanga biaye.
