Musambo 54:1-7
-
Luteko bua kupeta bukuashi kumpala kua beshikuanyi
-
“Efile Mukulu mmukuashi ande” (4)
-
Kui mukunkushi; bua kuyimba na biombuanga bia mioshi. Masikile.* Musambo wa Davide, pabaadi bena Zife bafikie balungula Saule’shi: “Davide mmufuame munkatshi muetu.”
54 Ô Efile Mukulu, mpaashe namu pa muanda wa eshina diobe,Na onkaluile* na bukome bobe.
2 Ô Efile Mukulu, teemesha namu luteko luande;Tuula binangu ku mayi a mukanua muande.
3 Muanda bantu benyi abangibuela,Na bantu bashi na lusa abakimbi muwa wande.
Tabe na kanemo bua Efile Mukulu.* (Sela)
4 Talanga! Efile Mukulu mmukuashi ande;Yehowa e na baba abankuatshishena.
5 Akafutu beshikuanyi bande pa kuibaluisha bubi buabo.
Mu lulamato lobe, ebafudiishe.*
6 Nakakulambula milambu n’eshimba dimune,Nakatumbisha eshina diobe, Ô Yehowa, muanda kukita biabia kui buwa.
7 Muanda mmumpaashe ku malua oso,Na nakatala na muloo oso kupona kua beshikuanyi bande.
