Musambo 20:1-9
-
Kipandilo bua nfumu muedibue muimu a Efile Mukulu
-
Bangi mbakulupile mu matempu, bangi namu mu nfualasa, ‘kadi atue, atuitamina eshina dia Yehowa’ (7)
-
Kui mukunkushi. Musambo wa Davide.
20 Yehowa akualuule muifuku diodi mu malua.
Eshina dia Efile Mukulu a Yakobo dikukaluile.
2 Akutumine bukuashi kukatukila mu mbalo yaye ya kishila,Na akukuatshishene kukatukila mu Siyona.
3 Atentekieshe milambu yobe yoso,Na akumiine na muloo milambu yobe ya kushiika kaalo. (Sela)
4 Akumbashe nkalo ya muishimba diobe,Akite bia’shi mpango yobe yoso ilombane.
5 Atukeele tukundakunda tua muloo bua bikitshino biobe bia kipandilo,Atukeele mabendela eetu muiyilu muishina dia Efile Mukulu eetu.
Yehowa akupe bioso biomutekie.
6 Binobino nauku’shi Yehowa apaasha muedibue muimu aaye.
Amualuula kukatukila muiyilu diaye dia kishila,Na kipandilo kikata ku bukuashi bua mboko yaye ibalume.
7 Bangi mbakulupile mu matempu, bangi namu mu nfualasa,Kadi atue, atuitamina eshina dia Yehowa Efile Mukulu eetu.
8 Babakooko na babapono,Kadi atue, tubemana na tubapetuula bukome.
9 Ô Yehowa paasha namu nfumu!
Aketualula muifuku diatukamuitamina bua kukimba bukuashi.
