Musambo 148:1-14
148 Tumbishayi Yah!*
Tumbishayi Yehowa kukatukila muiyilu;Mutumbisheyi mu ma mbalo e kuiyilu.
2 Mutumbisheyi anue mikeyilu yaye yoso.
Mutumbisheyi anue kiluilo kiaye kioso.
3 Mutumbisheyi, anue nguba na mueshi.
Mutumbisheyi, anue nyenyenyi yoso ayimunyikaa.
4 Mutumbishe, Ô eyilu dikile bula,N’anue mema e panundu p’eyilu.
5 Bitumbishe eshina dia Yehowa,Muanda batumine eyi, na abio nkupangibua.
6 Mmuibituule bua’shi bikale kuanka bua loso;Mmuele muiya ushi ulombene kufua.
7 Tumbishayi Yehowa kukatukila pa nsenga,Anue bipangua bikata bia mu kalunga ka mema n’anue mema oso ala,
8 Anue mipenyo na mpeshi a mabue, neje na makumbi afiita,Obe kipapi kibukopo akikumbasha eyi diaye,
9 Anue miengie na tumiengie toso,Anue mitshi ya bikuba n’anue mitshi ya sedre yoso.
10 Anue nyema ya kisuku n’anue nyema yoso ya paasha,Bintu abilandala na tonyi,
11 Anue ba nfumu ba pa nsenga n’anue miilo yoso,Anue bakunkushi n’anue ba nsushi boso ba pa nsenga,
12 Anue bansongualume na bansonguakashi,*Bantu banunu pamune na ba nsongua.
13 Batumbishe eshina dia Yehowa,Muanda eshina diaye bupenka buadio di kuiyilu kukile bula.
Kinemo kiaye ki kunundu kua nsenga n’eyilu.
14 Akakaamisha bukome bua bantu baye,Bua ntumbo ya ba sha lulamato baye boso,Ya bana ba Isalele, muilo wi pepi naye.
Tumbishayi Yah!*
