Musambo 115:1-18
115 Tatui balombene kintu su nkimune Ô Yehowa, tatui balombene kintu su nkimune,Kadi bua eshina diobe, edipe ntumboPa muanda wa kifulo kiobe kia lulamato na lulamato lobe.
2 Buakinyi abitungu miilo yakule’shi:
“Efile Mukulu aabo e kunyi?”
3 Efile Mukulu eetu e muiyilu,Akitaa kioso akimusangasha.
4 Ma nkishi aabo nga kiamo kia arja na ôlo,Mudimo wa ku maasa a bana ba bantu.
5 E na mukanua, kadi ta ngalombene kuakula,E na meso, kadi ta ngalombene kumona,
6 E na matui, kadi ta ngalombene kupusha,E na mpembe, kadi ta ngalombene kupusha eshiko,
7 E na maasa, kadi ta ngalombene kukuma kintu,E na mikoolo, kadi ta ngalombene kutambuka,T’aatuushaa eyi su ndipeela mu midibu yao.
8 Baba abeakitshi abakafiki namu nka bu biaadi,Mpa na baba boso abeakulupila.
9 Ô Isalele, kulupila mui Yehowa—Aye mmuikale mukuashi eenu na ngabo yenu.
10 Ô nshibo ya Alona, kulupilayi mui Yehowa—Aye mmuikale mukuashi eenu na ngabo yenu.
11 Anue abatshinyi Yehowa, kulupilayi mui Yehowa—Aye mmuikale mukuashi eenu na ngabo yenu.
12 Yehowa etutentekiesha na aketuelela miabi,Akelela nshibo ya Isalele miabi,Akelela nshibo ya Alona miabi.
13 Yehowa akelela baba abamutshinyi miabi,Bakata sunga bapeela.
14 Yehowa akenufuimisha ngofu,Obe na bana bobe.
15 Yehowa enuelele miabi,Aye Mupangi a eyilu na nsenga.
16 Eyilu ndia Yehowa,Kadi nsenga mmuiyipe bana ba bantu.
17 Bafue ta mbalombene kutumbisha Yah,Sunga muntu e mu mashama ta mulombene kumutumbisha.*
18 Anka atue atukatumbisha Yah,Kubanga binobino na bua loso.
Tumbishayi Yah.*
