Musambo 12:1-8
-
Yehowa ayimana bua kupaasha
-
Mayi a Yehowa e selele (6)
-
Kui mukunkushi. Usokiibue pa Sheminite.* Musambo wa Davide.
12 Mpaashe namu, Ô Yehowa! Muanda muntu sha lulamato takii panka.
Bantu ba sha lulamato babashimina pa nsenga.
2 Abedimbena munkatshi muabo,Abakula mianda ya lubombo* na milomo yabo, na kuakula mianda ya madimi mu mashimba aabo.*
3 Yehowa akatshibi milomo yoso ya lubombo,Na ludimi aluakula mianda ikata ya kuitatula.
4 Baba abakula’shi “Atukatshimuna na ndimi yetu,Atufubisha milomo yetu muyile biatukumiina,Nnanyi akekala bu nfumuetu?”
5 “Pa muanda wa kufuambuka kua baba abamueshibua malua,Na pa muanda wa kutompola kua balanda,Nakayimana bua kuibapaasha,” nyi abiakula Yehowa.
“Nakebapaasha kui baba abebakitshina mianda na kasaabu.”
6 Mayi a Yehowa e selele,Enka bu kiamo kia arja kisunguulue muiyaso,* bekitoosha misango musambobidi.
7 Okebalama, Ô Yehowa!
Na okakaluila oso a kuabadi kui kino kipungo kia bantu bua loso.
8 Bantu bebubi abatambuka kushi kuikanda,Muanda bana ba bantu abanyingisha bikitshino bi bubi.
