Musambo 64:1-10
-
Kukaluilua ku buluishi bufuame
-
“Efile Mukulu akebasa mikietue” (7)
-
Kui mukunkushi. Musambo wa Davide.
64 Nteemeshe namu pankuete kukuisendeela, Ô Efile Mukulu.
Lama namu muwa wande bua’shi ntshikalanga na moo bua muishikuanyi.
2 Nkaluile namu ku nkuku ifuame ya bantu bebubi,Ku kibumbu kia bankitshishi ba bubi.
3 Abanono ndimi yabo nka bu lupete lua ngoshi,Abapaatula bishima bibubi nka bu mikietue,
4 Bua kuasa muntu shi musoole muanda kukatukila mu bifuamino biabo,Abamuasa musango umune kushi kutshina.
5 Mbashale balamate ku binangu biabo bibubi;*Abesamba bia kufuamisha miteo yabo.
Abamba’shi: “Nnanyi ebimono?”
6 Bakuete kukimba mishindo ipia ya kukita mianda ibubi;Abaluku binangu bia kukita mianda ibubi mu bufiefie;Binangu bi muishimba dia muntu oso ta mbilombene kuukibua.
7 Anka, Efile Mukulu akebaasa mikietue,Abakapasukila’nka mikietue ibapu kuibatubula.
8 Ndimi yabo abo banabene ayikafuisha kupona kuabo;Baba boso abamono uno muanda abakapuku mitue yabo.
9 Biabia bantu boso abakatshinyi,Biabia, abakaukisha bangi mianda yabadi bakite kui Efile Mukulu,Na abakapete binangu mu biadi mukite.
10 Muntu mululame akasankila mui Yehowa na kufuamina muadi,Baba boso ba sha mashimba alulame abakasanka.*
