Musambo 101:1-8

  • Mukunkushi akitshi mianda na kululama

    • ‘Ntakalekieela yawa oso e na kuikaamisha’ (5)

    • “Nakatala kui basha lulamato” (6)

Musambo wa Davide. 101  Nayimbi pabitale kifulo kia lulamato na kululama. Ô Yehowa, nakayimbi misambo bua kukutumbisha.*  2  Nakakitshi mianda na budimu na kushi matope. Okafiki kuandi nsaa kinyi? Nakatambuka n’eshimba dilulame munda mua nshibo yande.  3  Ntankatuulu kintu su nkimune kishi na muulo ku meso kuande. Ne mushikue bikitshino bia baba abapambuka muishinda dilulame,Ntankakitshi kintu su nkimune pamune nabo.  4  Eshimba dibi di kula n’ami,Ntankakumiina mianda ibubi su nkapeela.  5  Muntu oso adimbiila nkungishanyi naye mianda mu bufiefieNakamuuminyisha.* Yawa oso e na meso a kuitatula n’eshimba dia kuikaamisha,Ntakamulekieela.  6  Nakatala kui ba sha lulamato ba pa nsenga,Bua’shi bashale nami. Muntu oso atambuka kushi matope* akanfubila.  7  Muntu sha madimi su ngumune t’akashala mu nshibo muande,Na sha madimi su ngumune t’akemana kumpala kuande.  8  Namashika oso nakauminyisha* babi boso ba pa nsenga,Bua kuipaa bankitshishi ba bubi boso mu kibundi kia Yehowa.

Mayi e mushi mwesaki

^ Sunga “kuyimba na biombuanga.”
^ Sunga “Nakamushimisha.”
^ Sunga “na kululama.”
^ Sunga “nakashimisha.”

Copyrights for this publication