Musambo 62:1-12
Kui mukunkushi; wa Yedutune.* Musambo wa Davide.
62 Mbinyibinyi, natengiela Efile Mukulu ne muwumiine.
Kipandilo kiande akituukila kuadi.
2 Eyendo, aye mmuikale lubuebue luande na kipandilo kiande, mbalo yande ya kufuamina;Tankasanyishibua su nkapela.
3 Anutungunuka na kuluisha muntu bua kumuipaa mpa na ku nsaa kinyi?
Anue boso nui masaku nka bu kimano kinyekame, kimano kia mabue akikiebe kupona.*
4 Muanda abepushena bua kumukatusha pa mbalo yaye ya kinemo;Abasangela kuakula mianda ya madimi.
Abelela bantu miabi penda ku milomo yabo, anka munda muabo nyi milua y’abele. (Sela)
5 Mbinyibinyi, natengiela Efile Mukulu ne muwumiine,Muanda lukulupilo luande alufiki kuadi.
6 Eyendo, aye mmuikale lubuebue luande na kipandilo kiande, mbalo yande ya kufuamina;Tankasanyishibua su nkapela.
7 Kui Efile Mukulu nyi akufiki kipandilo kiande na ntumbo yande.
Efile Mukulu nyi ndubuebue luande lunyingishibue na kifuamino kiande.
8 Kulupilayi muadi nsaa yoso, anue bantu.
Mufunguileyi mashimba eenu.*
Efile Mukulu nyi nkifuamino kietu. (Sela)
9 Bana ba bantu be nka bu lupunga bisumanga,Bana ba bantu be nka bu mpuandikishi.
Nsaa yabebatuulu boso ku kipimo, mbapelepele kukila lupunga.
10 Tanutuulanga lukulupilo luenu mu kunyenga kua bantu bintu,Sunga kutuula lukulupilo lua bisumanga mu bungifi.
Su bupeta buenu bukuete kufuima, tanuibutudilanga eshimba.
11 Ne mupushe Efile Mukulu akula misango ibidi’shi:
Bukome mbua Efile Mukulu.
12 Dingi, kifulo kia lulamato nkiobe, Ô Yehowa,Muanda ofutaa muntu oso muyile bikitshino biaye.
