Musambo 95:1-11
95 Fikayi tuele misaase ya muloo kui Yehowa!
Tuele misaase ya kutshimuna kui Lubuebue lua kipandilo kietu.
2 Tuendeyi kumpala kuaye na misaase ya lutumbu.
Tumuyimbileyi, na tumuelele misaase ya kutshimuna.
3 Muanda Yehowa nyi Efile Mukulu mukata,Nyi Nfumu mukata kukila bangi b’efile boso.
4 Muushi mua nsenga mula, mui mu maasa muaye.
Nsongo ya miengie ngiaye.
5 Kalunga ka mema kaadi mukite nkaye,Na bapangile nsenga yume na maasa aaye.
6 Fikayi tumulanguile na tumuinamine,Tukunameyi kumpala kua Yehowa Mupangi eetu.
7 Muanda nyi Efile Mukulu eetu,Na tui bantu ba mu mapia aaye a kudishila nyema,Mikooko i mu maasa aaye.
Lelo su nuapusha eyi diaye,
8 Tanupapishanga mashimba eenu bu ku Meriba,*Bu muifuku dia Masa* mu kabaaka,
9 Mubaadi bamashenu kulu bantompe,Abo nkungielesha mpaka, sunga biekala’shi babaadi bamone mifubo yande.
10 Muanda munda mua bipua 40, eshimba dibanfundulukile bua uno muilo, na nambile’shi:
“Mmuilo wi na mashimba akuete nka kupambuka kula nami misango yoso,Ta mbafikie mu kuiwuka mashinda ande.”
11 Nyi buakinyi naadi muitshipe mu nsungu yande’shi:
“T’abakatuele mu kikiisho kiande.”
