Musambo 84:1-12

  • Lukalo luibukopo bua tabernakele mukata a Efile Mukulu

    • Muina Levi e na lukalo lua kuikala bu konyi (3)

    • “Efuku dimune mu mpango yobe” (10)

    • “Efile Mukulu nyi nguba na ngabo” (11)

Bua mukunkushi; pa Gitite.* Musambo wa bana ba Kora. Loono. 84  Ô Yehowa a biluilo,Nyi bi tabernakele oobe mukata buwa bino!  2  Ami oso mushima ne na lukalo,Oolo, nkuete kufua na lukalo lukata,Bua mpango ya Yehowa,Eshimba diande na mbidi yande abiele misaase ya muloo bua Efile Mukulu e na muwa.  3  Sunga konyi nkapete nshibo yako muanka,Na kandalandala nkatuule esua diako muanka,Muamua nyi muakapasukila tuana tuako,Pepi na kilambuilo kiobe kikata, Ô Yehowa a biluilo,Nfumu ande na Efile Mukulu ande!  4  Ba sha muloo mbano bashale mu nshibo yobe! Abakutumbisha nsaa yoso. (Sela)  5  Ba sha muloo mbaba abapetela bukome modi,Baba batuule mashimba aabo ku mashinda aende ku nshibo yobe.  6  Nsaa yabakidila Muibanda dia Baka*Abedikasha bu mbalo i nsulo ya mema,Na mpeshi mbedi anokiesha miabi muanka.  7  Pabende na kutambuka, bukome buabo abunyisha kufuima,Oso a kuabadi akamueneka kumpala ku’Efile Mukulu mu Siyona.  8  Ô Yehowa Efile Mukulu a biluilo, pusha namu luteko luande,Teemesha namu Ô Efile Mukulu a Yakobo. (Sela)  9  Talanga, obe ngabo eetu na Efile Mukulu* eetu,Tala namu mpala ya muedibue muimu oobe. 10  Efuku dimune mu mpango yobe dibuwa kukila mafuku kinunu ingi mbalo,Ne musangule bua kuimana mu kibelo kia nshibo y’Efile Mukulu ande,Pamutue pa kushala mu tushibo tua mapema tua bantu bebubi. 11  Muanda Yehowa Efile Mukulu nyi nguba na ngabo,Aye nyi elelaa bantu miabi na kuibapa ntumbo,Yehowa t’akasumina baba abatambukila mu kululamaKintu ki buwa su nkimune 12  Ô Yehowa a biluilo,Sha muloo mmuntu mukukulupile.

Mayi e mushi mwesaki

^ Tala Kipatuluilo kia Bishima.
^ Sunga “Muibanda dia mitshi ya Baka.”
^ Sunga pangi “Tala namu ngabo yetu Ô Efile Mukulu.”

Copyrights for this publication