Musambo 27:1-14
Wa Davide.
27 Yehowa nyi etaata diande na kipandilo kiande.
Nnanyi andi mulombene kutshina?
Yehowa nkifuamino kia muwa wande.
Nnanyi andi mulombene kupusha moo?
2 Nsaa ibaadi bantu bebubi bafikie mu kulua nami bua kungipaa,Beshikuanyi bande nyi babaadi bakokole, na abo nkupona.
3 Sunga kiluilo kia basalayi kiatuula kishalelo bua kulua nami,Eshimba diande t’aditshinyi.
Sunga ngoshi yangibuela,Nashala nka mukulupile mui Efile Mukulu.
4 Ne mutekie Yehowa muanda umune,Ao ngi wankuete kukimba n’eshimba dimune,Bua’shi nshale mu nshibo ya Yehowa munda mua mafuku oso a muwa wande,Bua kubandila buwa bua Yehowa,Na kutala bua kukaanyisha buwa bua ntempelo aaye.
5 Muanda akanfuamisha mu kifuamino kiaye muifuku dia dikienga,Akanfuamisha mu mbalo ifuame ya mu kashibo kaye k’epema,Akantuulu kunundu ku’ebue.
6 Binobino ne mutundubule mutue wande kunundu kua beshikuanyi bande bangifunyishe,Nakalambula milambu mu kashibo kaye k’epema na misaase ya muloo,Nankayimbi bua kutumbisha Yehowa.
7 Nteemeshe namu, Ô Yehowa nsaa yankuete kukuidila,Ndeshe namu lusa lobe na ongalule.
8 Muishimba diande natentekiesha muiya oobe wa’shi:
“Kimbayi mpala yande.”
Nakakimbi bua kumona mpala yobe, Ô Yehowa.
9 Tonfuamishanga mpala yobe.
Tosumbushenanga mufubi oobe podi na nsungu.
We mukuashi ande,Obe Efile Mukulu a kipandilo kiande, tondubanga sunga kunsumbushena.
10 Sunga nshami na nyinami bansumbushena,Yehowa nabene akankukila.*
11 Ndongieshe namu eshinda diobe, Ô Yehowa,Onkunkushe muishinda dia kululama pa muanda wa beshikuanyi bande.
12 Ntontuulanga mu maasa mua beshikuanyi bande,Muanda tumonyi tua madimi ntungibuele,Na atunkitshina mianda na kikiso.
13 Nkuikunyi kunadia kuikala su ntangikalanga na lukumiino’shi,Nakamono buwa bua Yehowa muiumbo dia bantu be na muwa?*
14 Kulupila mui Yehowa,Ikala mukankamane na onyingie eshimba.
Oolo, kulupila mui Yehowa.
