Musambo 49:1-20
Kui mukunkushi. Musambo wa bana ba Kora.
49 Anue boso miilo ya pa nsenga pushayi uno muanda.
Nutee matui anue bantu boso ba pa nsenga,*
2 Anue boso bapeela na bakata,Bampeta na balanda.
3 Mukanua muande amukakula mayi a binangu,Na kunangushena kua muishimba diande akukalesha lushinguluilo.
4 Nakatee matui ku lukindi,Nakapatuula lukindi luande lufuame na luseese.
5 Buakinyi ne kutshina mu nsaa ya kafutakanyi,Nsaa yabadi banyifunyishe kui bantu bebubi abakimbi bua kumponesha?
6 Baba bakulupile mu bupeta buaboNa abetatula bua bupeta buabo buibungi,
7 Takui su ngumune a kuabadi mulombene kukuula mukuabo,Sunga kupa Efile Mukulu nkuulo buaye aye nabene,
8 Muulo autungu kufuta bua kukuula miuwa yabo wi bukopo bukile,Tabe na mushindo su ngupeela wa kuiwufuta,
9 Takui su ngumune a kuabadi e kukuula mukuabo, bua’shi ashale na muwa bua loso kushi kumona mashama.
10 Muanda abamono’shi, mpa na bantu ba sha binangu abafu,Bantu bapatakane na bashi na binangu abashimina boso pamune,Na abalekiela bangi bantu bupeta buabo.
11 Lukalo lui muishimba diabo ndua’shi mashibo aabo ashale kuanka bua loso,Na tushibo tuabo tua mapema tushale kuanka mu bipungo na bipungo.
Mbaudikie bibundi biabo mashina aabo.
12 Kadi muntu, sunga biekala’shi abamupaa kinemo, t’akashala na muwa,Aye ntamukile nyema ayifuiyaa nya.
13 Dino nyi eshinda dia bantu bapatakaneNa baba abebalondo, baba abasanka bua mayi aabo a bisumanga.
14 Abakafu nka bu mikooko ayitungu kuipayibua.
Lufu alukebakunkusha,Muntu mululame akebakunkusha ku namashika.
Kitunduilo kiabo kioso akikashimina,Pamutue pa ebalasa, Mashama* nyi aakekala nshibo yabo.
15 Anka Efile Mukulu akankuulu ku bukome bua Mashama,*Muanda Efile Mukulu akankuata ku mboko. (Sela)
16 Tuekalanga na moo pa muanda wa muntu bafiki mpeta,Muanda bintu bia mu nshibo yaye bikuete kufuima,
17 Muanda nsaa yafu t’ende na kintu su kimune,Ntumbo yaye tayende naye mu Mashama.
18 Muanda munda mua mafuku a muwa waye, etumbisha aye nabene.
(Bantu abakutumbisha nsaa yopete bintu.)
19 Kadi nfudiilo a bioso akebungu na bamashaye kulu.
T’abakamono dingi etaata.
20 Muntu shapusha kalolo uno muanda, sunga biekala’shi abamutumbishaa,Ta mukile nyema ayifuiyaa nya.
