Musambo 41:1-13
Kui mukunkushi. Musambo wa Davide.
41 Sha muloo ngiawa aleesha muntu mufudiile kalolo,Yehowa akamupaasha muifuku dia dikienga.
2 Yehowa akamukaluila na kumulama na muwa.
Abakamuamba pa nsenga bu sha muloo.
T’okamutadiila su nkapeela mu maasa mua beshikuanyi baye.
3 Yehowa akamukuatshishena ku lusala luaye lua maladi,Mu kipungo kiekala na mukumbo, okashintuula binyibinyi lusala luaye.
4 Muanda nakuile’shi: “Ô Yehowa, ndeeshe namu lusa.
Mpaashe namu, muanda ne mukukitshine muluisho.”
5 Kadi beshikuanyi bande abakula mianda ibubi pabintale’shi:
“Afu nsaa kinyi, n’eshina diaye adishimina mafuku kinyi?”
6 Nsaa i umune a kuabadi afiki mu kuntala, akula mianda ya madimi i muishimba diaye.
Afuku mianda bua kunkitshina bi bubi,Akupu ende, na akeyipalakasha.
7 Baba boso banshikue abesongeena,Abadi lukuku bua kunkitshina bi bubi, abamba’shi:
8 “Masaku abamukuata,Binobino bu bibaapu kupona, ntamulombene dingi kuibua.”
9 Mpa na muntu anaadi naye mu butaale, anaadi nakulupila,Yawa baadi adi mukate wande, banyibueshela* kisuulu kiaye.
10 Kadi obe, Ô Yehowa! Ndeeshe namu lusa na ongibueshe,Bua’shi mmone bia kuibafuta.
11 Kukiila ku bino nakauku’shi osankaa nami:
Nsaa i muishikuanyi ande takeele dingi misaase ya kutshimuna pabintale.
12 Kadi buande’mi, onkuatshishena pa muanda wa kululama kuande,Okandama kumpala kobe bua loso.
13 Yehowa Efile Mukulu a Isalele atumbishibueBua ikalayika.*
Amene, Amene.
