Musambo 140:1-13
Bua mukunkushi. Musambo wa Davide.
140 Ô Yehowa, mpaashe namu kui bantu bebubi,Onkaluile kui bantomboshi,
2 Baba abeele binangu bibubi mu mashimba aabo,Na abebuesha kafutakanyi munda mua efuku dishima.
3 Abanono ndimi yabo nka bu ya nyoka,Lulengo lua nyoka lui ku milomo yabo. (Sela)
4 Ô Yehowa, mpaashe namu ku maasa kua bantu bebubi,Nkaluile namu kui bantomboshi,Baba abanangushena bua kumponesha.
5 Bantu ba sha kuitatula mbafuamishe kateo bua kunkuata;Mbapalakashe mioshi na bukondia ku bukunkula bua eshinda.
Mbantee muteo. (Sela)
6 Ne mulungule Yehowa’shi: “ We Efile Mukulu ande.
Ô Yehowa, teemesha namu kuiyaya kuande bua kuteka bukuashi.”
7 Ô Yehowa Muanana Mukile Bukata, Mupaashi ande sha bukome,Obe akaluilaa mutue wande muifuku dia ngoshi.
8 Ô Yehowa tolombashanga namu nkalo ya bantu bebubi.
Totadiilanga namu lukuku luabo lulombane, bua’shi tabetumbishanga. (Sela)
9 Mitue ya baba bangifunyisheIputshibue na mianda ibubi ayakula kukanua kuabo.
10 Makala e kaalo ebaponene nka bu mpeshi.
Bedibue mu kaalo,Mu mena e bula,* bua’shi tabebuanga dingi.
11 Muntu adimbilaa bangi mianda tapetanga mbalo pa nsenga.*
Bubi bulonde muntu ntomboshi na bumuipee.
12 Nauku’shi, Yehowa akakuila muntu mubofuleNa kukitshina mulanda mianda na kululama.
13 Mbinyibinyi bantu balulame abakatumbisha eshina diobe;Balulame abakashala pepi nobe.*
