Musambo 141:1-10
Musambo wa Davide.
141 Ô Yehowa nkuete kukuitamina.
Fika namu bukidi onkuashe.
Teemesha namu nsaa yankuitamina.
2 Luteko luande luikale bu kabanda kalumbulue kalolo kumpala kobe,Na maboko ande aole ekale bu mulambu wa ntete w’abalambula ku kiolua.
3 Tuula namu mulami ku kanua kuande, Ô Yehowa,Tuula namu mulami ku kibelo kia milomo yande.
4 Totadiilanga namu eshimba diande diipaane ku muanda wibubi su ngumune,Bua kuipaana ku bikitshino bibubi na bantu bebubi,Ami ntandi bia kudia biabo bibuwa su mbipeela.
5 Su muntu mululame ankupila, bino abikala bu kikitshino kia kifulo kia lulamato.
Su ansashila, abikala bu apongoola muimu ku mutue kuande,Na mutue wande taukapele su nkapeela.
Nakatungunuka na kumutekiela sunga mu kipungo kia dikienga diaye.
6 Sunga mbiabidi’shi ba nsushi babo mbebasukume kukatukila ku nsongo kua lubuebue,Bantu abakatumu binangu ku mayi ande muanda aasankisha.
7 Anka bu nsaa i muntu adimi nsenga na kuiyiseba,Biabia nyi biabadi bapalakashe mifufua yetu kukanua kua Mashama.*
8 Kadi meso ande ngatadiile nka kodi, Ô Muanana Mukile Bukata Yehowa.
Ne mutuule kifuamino kiande modi.
Toshimishanga namu muwa wande.
9 Ndame namu ku muteo wabadi bantee,Ku miteo ya bantu bebubi.
10 Bantu bebubi abakapono boso pamune mu makondia aabo,Kadi ami nakakidi kushi masaku.
Mayi e mushi mwesaki
^ Sunga “Sheole,” kuamba’shi mashama a bantu boso. Tala Kipatuluilo kia Bishima.
