Musambo 10:1-18
ל [Lamede]
10 Ô Yehowa! Buakinyi we muimene ku bula?
Buakinyi onfuama mu nsaa ya dikienga?
2 Na kuitatula koso, muntu ebubi ebingena na muntu shi na a kumukuasha,Kadi akapono mu lukuku luaye lui bubi.
3 Muntu mubi etumbisha bua nkalo yaye ibubi,Elela muntu sha luabi miabi,*נ [Nune]T’anemeka Yehowa.
4 Mu kuitatula kuaye, muntu ebubi takimbuulaa bua kuuka mianda kalolo,Kiaye kioso kianangushena mpenda’shi: “Efile Mukulu te kuanka.”
5 Mianda yaye ayitungunuka na kuenda kumpala,Kadi biimu biobe mbikile mpushisho aaye,Asepe beshikuanyi baye boso.
6 Akula muishimba diaye’shi: “Ntankasanyishibua,Mu bipungo na bipungoNtakamono malua nya.
פ [Pe]
7 Mukanua muaye mmuule na milua na madimi na kufunafuna,Muushi mua ludimi luaye mui kafutakanyi na mianda ibubi.
8 Atengiela mmubelame pepi na bibundi,Mu mbalo yaye yadi mufuamine ayipaa muntu shi na muanda.
ע [Ayine]
Meso aaye aatala muntu shi na bukome bua’shi amukitshine bi bubi.
9 Mmutengiele mu kifuamino kiaye nka bu ntambue e mu kishalelo kiaye.
Mmutengiele bua kukuata muntu shi na a kumukuasha.
Akuata muntu shi na a kumukuasha p’akaka bukondia buaye.
10 Muntu abadi bakuate abamukupila paashi na abamufingi,Muntu shi na bukome apono mu ngala yaye.*
11 Akula muishimba diaye’shi: “Efile Mukulu mmupue kuluba.
Mmutadile kungiT’amono kintu nya.”
ק [Kofe]
12 Ebuee, Ô Yehowa. Ebuesha eyasa diobe, Ô Efile Mukulu.
Tolubanga namu bantu bashi na a kuibakuasha.
13 Buakinyi muntu ebubi apotela Efile Mukulu?
Akula muishimba diaye’shi: Efile Mukulu t’akambadila uno muanda.
ר [Reshe]
14 Kadi okuete kumona kafutakanyi na makienga.
Okuete kuibimona na wata mianda mu maasa.
Bantu bashi na a kuibakuasha abasuukila kodi,Nnobe mukuashi a muana a nshiye.*
ש [Shine]
15 Tshokola mboko ya muntu mubi na ntomboshi,Bua’shi p’okakimbi bua kumona mianda yaye ibubi,T’okeyipete dingi nya.
16 Yehowa nyi Nfumu bua loso na bua ikalayika.
Miilo ibashimina pa nsenga.
ת [Tawe]
17 Anka, okapusha nteko ya bantu beyishe, Ô Yehowa!
Okanyingisha mashimba aabo, na okebateemesha.
18 Okatshibi kiimu na kululama bua bana ba nshiye* na bua bantu babakiengiesha,Bua’shi muntu afuiyaa a pa nsenga t’ebakiengieshanga dingi.
