Musambo 28:1-9
-
Efile Mukulu bateemesha luteko lua mufundi a misambo
-
“Yehowa nyi ngabo ande na bukome buande” (7)
-
Wa Davide.
28 Nkuete kutungunuka na kukuitamina, Ô Yehowa, Ebue diande,Topelanga namu kunteemesha.
Su oshaala mungumiine,Nafiki nka bu baba abayiki mu buina.*
2 Teemesha namu kuiyaya kuande nsaa yankudidila bua kuteka bukuashi,Panebuesha maasa ande dia ku kadimbo ka munda ngofu ka mu mbalo yobe ya kishila.
3 Tontualanga ku kiimu pamune na bantomboshi, baba abakitshi mianda ibubi,Baba abalungula benabo mayi a butaale, aku namu mu mashimba muabo mui mianda ibubi.
4 Ebafute muyile bikitshino biabo,Muyile bikitshino biabo bi bubi.
Ebafute muyile midimo ya ku maasa aabo,Muyile mianda yabadi bakite.
5 Muanda tabatuulu binangu ku midimo ya Yehowa,Sunga ku mudimo wa maasa aaye.
Akebabumbula, na t’akebebaka nya.
6 Yehowa atumbishibue,Muanda bapusha kuiyaya kuande kua kuteka bukuashi.
7 Yehowa nyi ngabo ande na bukome buande.
Eshimba diande ndimukulupile.
Ne mupete bukuashi buaye, n’eshimba diande di na muloo,Biabia, nakamutumbisha pa kumuyimbila.
8 Yehowa apeyaa bafubi baye bukome,Aye nyi nkifuamino, afuishilaa muedibue muimu aaye kipandilo kikata.
9 Paasha muilo oobe, na welele bupianyi bobe miabi,Ebakunkushe bu mulami a mikooko, webatuale mu maboko oobe bua loso.
Mayi e mushi mwesaki
^ Sunga “mu mashama.”
