Musambo 109:1-31
Kui mukunkushi. Musambo wa Davide.
109 Ô Efile Mukulu a nkuete kutumbisha, toshalanga namu muwumiine.
2 Muanda bantu bebubi na basha madimi abambuluila mukanua muabo.
Abandimbiila mianda ya madimi.
3 Mbanyifunyishe na bishima bia mushikua,Na abanduisha kushi muanda.
4 Ami ne muibafule, anka abo abantombokiela;Kadi nkuete kutungunuka na kuteka.
5 Abangaluisha bubi ku buwaNa mushikua bua kifulo kiande kiandi muibafule.
6 Mutuudile muntu e bubi buadia kumukunkusha,Na muntu amufundu emane ku mboko yaye ibalume.
7 P’abamusambisha, ekale mupiile,Sunga luteko luaye luikale bu muluisho.
8 Mafuku a muwa waye ekale apeela,Mufubo waye wa bu mukunkushi ungi muntu ewate.
9 Bana baye bafikie bana ba nshiye,Na mukashi aaye ashale mukashi kilele.
10 Bana baye bekale abaumbakana abatekie ka pa lusa,Bekale abakimbi biakudia kula na mashibo aabo aluile.
11 Bantu abamupeyaa mabasa bakuate bintu bioso biadi nabio,Na benyi bapaule bintu biaye.
12 Muntu su ngumune tamuleshanga kalolo,*Na muntu su ngumune tapushishanga bana baye ba nshiye lusa.
13 Lutandua luaye lubutudibue,Mashina aabo alubibue kui kipungo kia bantu akifiki.
14 Yehowa atentekieshe kilubilo kia ba nkambua baye,Na muluisho wa nyinaye taushiminanga.
15 Yehowa ekale atentekiesha mafuku oso mianda yabadi bakite,Na ashime kitentekiesho kiabo kioso pa nsenga.
16 Muanda ta mmutentekieshe bua kulesha kalolo,*Anka baadi mutungunukie na kulonda muntu akiengieshibua, mulanda na muntu mutapikie kuishimbaBua kumuipaa.
17 Baadi mufule kueleshena milua, biabia mulua nyi ubamukuata;Tabaadi akumiina kueleshena miabi, biabia ta mmupete muabi su ngumune.
18 Baadi mufuale milua nka bu kilamba.
Na milua ibatuelele mu mbidi yaye nka bu mema,Na mu mifufua yaye nka bu muimu.
19 Milua yaye ikale bu kilamba kiadi muipombeeleNa bu mukaba w’afualaa nguba oso.
20 Dino nyi efuto di Yehowa apa yawa anduisha,Na baba abakula mianda ibubi pabintale.
21 Kadi obe, Muanana Mukile Bukata Yehowa,Nkuashe namu pa muanda w’eshina diobe.
Ompaashe, muanda kifulo kiobe kia lulamato ki buwa.
22 Muanda ntshi na muntu a kunkuasha, na ne mulanda,N’eshimba diande ndinsaasukie munda.
23 Nkuete kuenda na kushimina nka bu muesheshe,Abebingena nami nka bu mpasu.
24 Makunungu ande abakoko pa muanda wa kuishidika;Mbidi yande nginyane, na nashala nka penda mifufua.*
25 Nafiki kuabadi nka bu kintu kia kusenga.
P’abammono abapuku mitue.
26 Nkuashe namu, Ô Yehowa Efile Mukulu ande,Mpaashe namu muyile kifulo kiobe kia lulamato.
27 Baukie’shi bino abikitshika ku bukuashi bu’eyasa diobe,Na’shi obe, Ô Yehowa, nyi muibikite.
28 Ebatadiile bele milua, anka obe ongielela miabi.
Bakuatshikie buufu nsaa y’ambangibuela bua kunduisha,Kadi ami mufubi oobe nsankie.
29 Baba boso abantombokiela bafuale kuyishibua kua milongo;Bafuale buufu nka bu musapi.
30 Mukanua muande amukatumbisha Yehowa bikata;Nakamutumbisha kumpala kua bantu bebungi.
31 Muanda akemana ku mboko ibalume ya mulandaBua kumupaasha kui baba abamupiisha.
