Musambo 56:1-13
Kui mukunkushi; usokiibue pa “Nkudimba muwumiine e kula.” Miktame* ya Davide. Pabaadi bena Filistine bamukuate mu Gate.
56 Ndeshe namu lusa, Ô Efile Mukulu, muanda muntu afuiyaa kuete kunduisha.
Munda mua efuku dishima, bakuete kulua nami na kunkiengiesha.
2 Munda mua efuku dishima beshikuanyi abakimbi kunkuata;Bantu be bungi abalu nami na kuitatula koso.
3 Pandi na moo, nakulupila modi.
4 Mui Efile Mukulu, yawa sha eyi diantumbisha,Mui Efile Mukulu nyi muandi mutuule lukulupilo luande, ntshi na moo nya.
A muntu namu mmulombene kunkita kinyi?
5 Munda mua efuku dishima abanfuishila nkalakashi,Na kioso kiabanangushena mpenda bua kunkitshina bibubi.
6 Mbambelamine buabadia kunduisha,Ababeekiela bioso biankitshi,Na abakulupila bua kungipaa.
7 Ebasumbushene muanda wa buntomboshi buabo.
Butula miilo mu nsungu yobe, Ô Efile Mukulu.
8 Obadika matabula a kuwumbakana kuande.
Tengielesha* namu mpolo yande mu mulangi oobe wa musokia.
Ta ngifundibue mu mukanda oobe su?
9 Muifuku diankeele musaase bua kukimba bukuashi, beshikuanyi bande abakalukiila kumongo.
Ne mushinkamishe bino: Efile Mukulu e ku lupese luande.
10 Nakulupila mui Efile Mukulu, yawa sha eyi diantumbisha,Nakulupila mui Yehowa, yawa sha eyi diantumbishaa.
11 Mui Efile Mukulu nyi muandi mutuule lukulupilo luande, ntshi na moo nya.
A muntu namu mmulombene kunkita kinyi?
12 Ô Efile Mukulu, ne na kitshibilo kia kulombasha mianda yandi muitshipe kodi,Nakakulambula milambu ya lutumbu.
13 Muanda we mumpaashe ku lufu,Na we mukaluile ngua yande bua’shi tayikokolanga,Bua’shi mmone bia kutambuka kumpala kua Efile Mukulu muitaata dia bantu be na muwa.
