Musambo 80:1-19
Kui mukunkushi. Muyile “Bilongo bia Lise.” Mitentekiesho. Musambo wa Asafe. Loono.
80 Ô Mulami a Isalele, teemesha namu,Obe akunkusha Yosefe bu kisaka kia nyema.
Obe mushale pa bakeluba,Mekameka ngofu.*
2 Leesha namu bukome bobeKumpala kua Efraime, kua Benyamine na kua Manasee,Ofikie namu wetupaashe.
3 Ô Efile Mukulu, etukumiine namu dingi.
Etumunyikile namu mpala yobe bua’shi tupaashibue.
4 Ô Yehowa Efile Mukulu a biluilo, opele kuteemesha luteko lua muilo oobe mpa na ku nsaa kinyi?
5 Okuete kuibadiisha mpolo bu mikate,Na okuete kuibatomesha mpolo ikile bungi.
6 We mutadiile bankungishanyi abalee pa muanda wetu,Na beshikuanyi betu abatungunuka na kuitusepa muyile biabakumiina.
7 Ô Efile Mukulu a biluilo, etukumiine namu dingi.
Etumunyikile namu mpala yobe bua’shi tupaashibue.
8 We mukatushe mutshi wa nfinyo mu Ejipitu.
Obe nkubinga miilo na nkuiwukuna.
9 Bodi muiwulumbuluile mbalo,Ao nkuela mishi na nkuwula mu eumbo.
10 Mutaala wawo ubaadi upuute miengie,Na ntabi yao ibaadi ipuute mitshi ya sedre ya Efile Mukulu.
11 Ntabi yao ibakafikile mpa na ku kalunga ka mema,Na ntonga yao mpa na ku Musulo.*
12 Buakinyi bobumbula bimano bia mabue bia efuba dia nfinyo,Bua’shi boso abakidi bakuule tumuma tuayo?
13 Ngulube ya kisuku ayiwuluisha,Na nyema ya kisuku iwudie.
14 Ô Efile Mukulu a biluilo, alukiila namu.
Kukatukila muiyilu, tala namu paashi na omone!
Kaluila namu uno mutshi wa nfinyo,
15 Kitako kibaadi eyasa diobe dikune,Na tala muan’obe, obodi muikashe na bukome bobe obe nabene.
16 Babatshibi mutshi wa nfinyo na kuiwela kaalo.
Abashimina ku dinyoka diobe.
17 Eyasa diobe dikuatshishene namu muntu e ku mboko yobe ibalume.
Muana a muntu oodi munyingishe bobe obe nabene.
18 Biabia tatukakusumbushena.
Etulame namu na muwa bua’shi tuitamine eshina diobe.
19 Ô Yehowa Efile Mukulu a biluilo, etukumiine namu dingi.
Etumunyikile namu mpala yobe bua’shi tupaashibue.
