Musambo 76:1-12
Kui mukunkushi. Bua kuyimba na biombuanga bia mioshi. Musambo wa Asafe. Loono.
76 Efile Mukulu aukiibua mu Yunda,Eshina diaye ndikata mu Isalele.
2 Mbalo yaye ya kuikiisha i mu Saleme,Na mbalo yaye ya kushala i mu Siyona.
3 Kuakua atshokola mikietue ya buta ayitembe kaalo,Mpa na ngabo, lupete lua ngoshi na bina ngoshi. (Sela)
4 Omekameka ngofu.
We mukata ngofu kukila miengie i na nyema ya kudia.
5 Bantu ba sha mashimba anyingie mbebapaule bintu.
Mbalale tulo.
Bilobo bioso bia ngoshi tabibaadi na bukome.
6 Kukiila ku kuibasaashila kobe, Ô Efile Mukulu a Yakobo,Muntu atambushaa etempu na mukamine pa nfualasa babalala tulo.
7 Obe bupenka bobe, okuatshisha moo.
Nnanyi mulombene kuimana kumpala kua nsungu yobe ikata?
8 Otshibi kiimu kukatukila muiyilu.
Nsenga ibaadi ipushe moo, ayo nkuwumiina,
9 Pabaadi Efile Mukulu muibuee bua kutshiba kiimu,Bua kupaasha bantu boso ba sha kuiyisha be pa nsenga. (Sela)
10 Muanda nsungu ya muana a muntu ayikakuasha bua kukutumbisha.
Na nsungu yabo ayishala okeyifuala.
11 Etshipeyi kui Yehowa Efile Mukulu eenu na nulombashe mitshipo yenu,Baba boso bamuifunyishe bamutuadile biabuntu na kutshina.
12 Akakuatshisha bakunkushi ba sha kuitatula buufu.
Akuatshishaa ba nfumu ba pa nsenga moo.
