Musambo 72:1-20
Pabitale Salomone.
72 Ô Efile Mukulu, kuasha namu nfumu bua kusambisha muyile biimu biobe,Na ope namu muana a nfumu kululama kobe.
2 Bua’shi asambishe bilumbu bia muilo oobe na kululama,Na bia bantu bobe bashadile na kululama.
3 Miengie ituadile bantu butaale,Na tumiengie tutuale kululama.
4 Akuile bantu bashadile ba mu muilo,Apaashe bana ba balanda,Na asoose yawa adimbishenaa.
5 Abakakutshinyi munda a mafuku oso aekala nguba kuankaNa munda mua mafuku oso aekala mueshi kuanka,Munda mua bipungo na bipungo.
6 Akekala bu mpeshi anoko pa lubishi luabadi badime,Na bu mpeshi asasala atopesha nsenga.
7 Mu mafuku aye bantu balulame abakende kumpala,Na butaale abukafuimi mpa na apakashimina mueshi.
8 Akakunkusha bantu kukatukila ku kalunga ka mema mpa na ku kangi kalunga ka mema,Na kukatukila ku Muela* mpa na ku nfudiilo kua nsenga.
9 Bantu bashale mu kabaaka abakenama kumpala kuaye,Na beshikuanyi baye abakatomo lufufi.
10 Ba nfumu ba ku Tarsise na ba ku bisangi abakamupa milambu.
Na ba nfumu ba ku Sheba na ba ku Seba abakamupa bia buntu.
11 Ba nfumu boso abakayinama kumpala kuaye,Na miilo yoso ayikamufubila.
12 Muanda akakuasha balanda abadidi bua kukimba bukuashi,Mpa na bano bashadile, na baba bashi na muntu a kuibakuasha.
13 Akapushisha baba bashadile na balanda lusa,Na akapaasha miuwa ya balanda.
14 Akebapaasha* kui bantu abebakiengiesha na ku buntomboshi,Na mase aabo aekala na muulo ku meso kuaye.
15 Ekale kuanka na muwa, na bamupe ôlo a ku Sheba.
Bekale abamuelela nteko nsaa yoso,Na ediibue miabi munda mu’efuku dishima.
16 Akukekala ntete ibungi pa nsenga.
Ayikekala ibungi bukile mpa na ku nsongo ya miengie,Bikunuanga biaye abikasapila nka bu bia mu Lebanone,Na bantu ba mu kibundi abakafuimi nka bu lubishi.
17 Eshina diaye dishale kuanka bua loso,Na diyishe nka bu nguba.
Na bantu bapetele miabi ku bukuashi buaye;Miilo yoso imuambe bu sha muloo.
18 Yehowa Efile Mukulu atumbishibue, Efile Mukulu a Isalele,Aye bupenka buaye akitaa mianda ya kukaanya.
19 Eshina diaye dikata ditumbishibue bua loso,Na ntumbo yaye iwule pa nsenga ishima.
Amene, Amene.
20 Ano mayi nyi aafudiisha nteko ya Davide muana a Yesee.
