Musambo 42:1-11
Kui mukunkushi. Masikile* a bana ba Kora.
42 Nka bu ntengu e na lukalo lui bukopo lua mema,Ami namu ne nobe lukalo lukata, Ô Efile Mukulu.
2 Ne na nyota bua Efile Mukulu, Efile Mukulu e na muwa.
Nsaa kinyi yankafiki bua kuimana kumpala kua Efile Mukulu?
3 Mpolo yande nyi ibafiki bu kiakudia kiande kanya na bufuku,Munda mua efuku dishima bantu abansepe’shi: “Efile Mukulu oobe e kuikunyi?”
4 Natentekiesha ino mianda na nakupongoluela bi muishimba diande,Muanda kala naadi natambuka na kisaka kia bantu,Naadi natambuka bipeela bipeela kumpala kuakio bua kuenda ku nshibo ya Efile Mukulu,Na misaase ya muloo na lutumbu,Ya kisaka kia bantu abakitshi musangelo.
5 Buakinyi ne na kinyongua kikata bino?
Buakinyi kuno kupampakana kui munda muande?
Tengiela Efile Mukulu,Muanda nakamutumbisha bu Mupaashi ande Mukata.
6 Efile Mukulu ande, ne mu kinyongua kikata,Nyi buakinyi nakutentekiesha,Kukatukila mu nsenga ya Yordane na ku nsongo ya muengie wa Hermone,Ku Muengie wa Mizare.*
7 Mema e bula aetamina mema e bula,Apatuuku kituumo kia mema oobe e bula akuete kupona.
Nkalakashi nginganyiine nka bu mbundambunda yobe ya mema.
8 Munda mua efuku, Yehowa andeesha kifulo kiaye kia lulamato,Na bufuku namu, nakamuyimbila,* nakatekie kui Efile Mukulu a muwa wande.
9 Nakalungula Efile Mukulu, lubuebue luande’shi:
“Buakinyi bondubu?
Buakinyi ne kutambuka muinyongole pa muanda wa abinkiengiesha muishikuanyi ande?”
10 Beshikuanyi bande abansepe na bukielo,*Munda mua efuku dishima abansepe’shi: “Efile Mukulu oobe e kuikunyi?”
11 Buakinyi ne na kinyongua kikata bino?
Buakinyi kuno kupampakana kui munda muande?
Tengiela Efile Mukulu,Muanda nakamutumbisha bu Mupaashi ande Mukata na Efile Mukulu ande.
