Musambo 108:1-13
Loono. Musambo wa Davide.
108 Eshimba diande ndinyingie, Ô Efile Mukulu,Nakakuyimbila bua kukutumbisha ami oso mushima.
2 Buukayi, Ô biombuanga bia mioshi, n’obe namu, Ô luseese.
Nakabuusha nkielo.
3 Nakakutumbisha munkatshi mua miilo, Ô Yehowa,Na nakayimbi bua kukutumbisha munkatshi mua bisamba.
4 Muanda kifulo kiobe kia lulamato nkikata, ki bula bukafikie mpa na muiyilu,Na lulamato lobe ndukafikie mpa na mu makumbi.
5 Ô Efile Mukulu, otumbishibue mpa na kunundu kua eyilu.
Ntumbo yobe iwule pa nsenga ishima.
6 Bua’shi bantu bobe bodi mufule bapaashibue,Etupaashe namu na mboko yobe ibalume na ongalule.
7 Efile Mukulu akula mu buiselele* buaye’shi:
“Nakekala na muloo, nakatuusha Shekeme bu bupianyi,Na nakapimi Ebanda dia Sukote.
8 Gileade ngande mpa na Manasee namu ngande,Na Efraime nkifulu* bua mutue wande,Yunda mmukombo wande wa bufumu.
9 Moabe e bu elonga diande mua kuitumpila mema.
Nasumbula sandale ande mu Edome.
Na nakele misaase ya kutshimuna mu Filistine.”
10 A nnanyi akantuala ku kibundi kinyingishibue?
Nnanyi akankunkusha mpa na ku Edome?
11 Nta nobe muitusumbushene, Ô Efile Mukulu,Obe Efile Mukulu eetu, sh’akumiinaa kuenda dingi na biluilo bietu mu ngoshi?
12 Etukuashe namu mu malua eetu,Muanda kipandilo akifiki kui bantu nkia bisumanga.
13 Ku bukuashi bua Efile Mukulu atukapete bukome,Na nnaye akafuntu beshikuanyi betu ngua.*
