Musambo 77:1-20
Kui mukunkushi. Muyile ngimbilo a Yedutune.* Musambo wa Asafe. Loono.
77 Nakadidila Efile Mukulu n’eyi dibukopo,Nakadidila Efile Mukulu na akampushiisha.
2 Muifuku diandi mu kinyongua, nakimbi Yehowa.
Bufuku maasa ande ngaolole kuadi kushi kukooka.
Ntshi bia kunyingishibua.
3 Nsaa yantentekiesha Efile Mukulu nenyongolaa.*
Ne mukalakashue, na bukome buande bubafudiila. (Sela)
4 We munkutshishe tulo.*
Ne mukalakashue na ntshi bia kuakula.
5 Binangu biande abialukiila ku mafuku a kala,Ku bipua bia kalakala.
6 Bufuku natentekiesha loono luande.
Nanangushena muishimba diande.
Na nakimbuula ngofu.
7 Yehowa aketusumbushena bua loso su?
T’aketulesha namu dingi kalolo kaye?
8 Kifulo kiaye kia lulamato kibashimina bua loso su?
Milayilo yaye, ayikutua kulombana bua bipungo bioso su?
9 Efile Mukulu mmuiluankane bua kulesha lusa luaye su?
Su nsungu yaye nyi imukande bua kulesha lusa luaye? (Sela)
10 Abitungu ntungunukie na kuakula’shi: “ Bino nyi abinkiengiesha:
Sha Kuiyilu Kula bashintuula binangu biaye pabitutale su”?
11 Natentekiesha mifubo ya Yah.
Natentekiesha bikitshino biobe bia kukaanya bia kubanga kala.
12 Nanangushena ku midimo yobe yoso,Na nanangushena ku mishindo yobe yokitaa mianda.
13 Ô Efile Mukulu, mashinda oobe nga kishila.
Efile kinyi e bukata bu’be, Ô Efile Mukulu?
14 We Efile Mukulu a binyibinyi akitaa mianda ya kukaanya.
We muleshe bukome bobe kui bana ba bantu.
15 We mupaashe* muilo oobe ku bukome bobe,Bana ba Yakobo na ba Yosefe. (Sela)
16 Mema abakumuene Ô Efile Mukulu;Mema abakumuene na ao nkusuusa.
Na mema e bula abaadi afundulukie.
17 Makumbi abapongoluele mema.
Eyilu diule na makumbi dibelele tupandapanda,*Na mikietue yobe ibaadi ayende aku n’aku.
18 Mukungulo wa tupandapanda tobe ubaadi nka bu wa bipombo bia etempu.
Kubadima kua mipenyo kubaadi kumunyikie mu nsenga ishale bantu.
Nsenga ibasushile ayo nkutshinkatshinka.
19 Eshinda diobe dibaadi dikidile munkatshi mua kalunga ka mema,Kashinda kobe kapeela nkukidila munkatshi mua mema ebungi.
Kadi muntu su ngumune tabaadi mulombene kutundula biashino biobe.
20 Bodi mukunkushe muilo oobe nka bu kisaka* kia nyema,Ku bukunkushi* bua Moyise na Alona.
