Musambo 86:1-17
Luteko lua Davide.
86 Ntee namu matui,* Ô Yehowa, na ongalule,Muanda ne mukalakashue na ne mulanda.
2 Lama namu muwa wande, muanda ne mukulamate.
Paasha namu mufubi oobe mukukulupile,Muanda we Efile Mukulu ande.
3 Ndeeshe namu lusa, Ô Yehowa,Muanda nkuete kukuitanyina munda mua efuku dishima.
4 Kita namu bia’shi mufubi oobe asankie,Muanda kodi, Ô Yehowa, nyi kuandi mutadiile.
5 Muanda obe, Ô Yehowa, we buwa na okumiinaa kufuila bantu lusa,We na kifulo kia lulamato kikata bua baba boso abakuitanyina.
6 Teemesha namu luteko luande, Ô Yehowa,Na otume namu binangu biobe kuankuiyayila bua kuteka bukuashi.
7 Nankuitanyina muifuku diandi mu kinyongua,Muanda okangalula.
8 Munkatshi mua b’efile tamui su ngumune e bu biodi, Ô Yehowa,Takui su ngumune mukite bintu bu biodi mukite.
9 Miilo yoso yodi mupangieAyikafiki na ayikayinama kumpala kobe, Ô Yehowa,Na ayikatumbisha eshina diobe.
10 Muanda we mukata na we mukite mianda ya kukaanya,Obe bupenka bobe we Efile Mukulu.
11 Ndongieshe namu pabitale eshinda diobe Ô Yehowa.
Nakatambukila mu bia binyibinyi biobe.
Mpe namu eshimba dimune* bua’shi ntshine eshina diobe.
12 Nakutumbisha n’eshimba diande dioso, Ô Yehowa Efile Mukulu ande,Na nakatumbisha eshina diobe bua loso.
13 Muanda kifulo kiobe kia lulamato kuandi nkikata,Na we mupaashe muwa wande mu Mashama* ala.
14 Ô Efile Mukulu, bantu ba sha kuitatula babangibuela,Kisaka kia bantomboshi akikimbi muwa wande,Na t’abakunemeka.
15 Anka obe, Ô Yehowa, we Efile Mukulu sha lusa na kalolo,Sh’akuataa nsungu bukidi na muule ndaa na kifulo kia lulamato na lulamato.*
16 Tuma namu binangu biobe kuandi na ondeshe lusa.
Pa namu mufubi oobe bukome bobe,Na opaashe muana a mufubi oobe mukashi.
17 Ndeshe namu kitunduilo kia buwa bobe,Bua’shi baba banshikue bekimone na bakuatshikie buufu.
Muanda obe, Ô Yehowa we mukuashi ande na onnyingishaa.
