Musambo 26:1-12
Wa Davide.
26 Nsambishe namu, Ô Yehowa, muanda ne mutambukile mu kululama kuande,Ne mukulupile mui Yehowa kushi kutenkakana.
2 Ntaluule namu Ô Yehowa na ontompe,Lumbuula binangu bi munda* muande na otooshe eshimba diande.
3 Muanda kifulo kiobe kia lulamato ki kumpala kuande,Na natambukila mu binyibinyi biobe.
4 Ntanekalaa mu kipuano* na ba sha madimi,Na nasuukaa baba abafuamisha kiabadi.*
5 Ne mushikue kisaka kia bantu bebubi,Ne mupele kuikala mu kipuano na bantu bebubi.
6 Nakasuula maasa ande bua kulesha’shi ntshi musoole muanda,Nakefunyu kilambuilo kiobe, Ô Yehowa,
7 Bua kukita bia’shi eyi dia lutumbu dipushikie,Na bua kuukisha midimo yobe yoso ya kukaanya.
8 Yehowa, ne mufule nshibo yodi mushale,Mbalo ishale ntumbo yobe.
9 Tongipanga pamune na bankitshishi ba miluisho,Toshimishanga muwa wande pamune na bantomboshi.
10 Maasa aabo ngepaane ku mianda i buufu,Na eyasa diabo dibalume ndiule na kutshibibua kua milomo.
11 Anka ami, nakatambukila mu kululama kuande.
Mpaashe namu na ondeshe kalolo.
12 Luao luande nduimane pa mbalo ishalame,nakatumbisha Yehowa mu kakongie kakata.
