Musambo 29:1-11
Musambo wa Davide.
29 Paayi Yehowa kiakia kimulombene, anue bana ba bilobo,Paayi Yehowa kiakia kimulombene pa muanda wa ntumbo na bukome buaye.
2 Paayi Yehowa ntumbo ilombene eshina diaye.
Inamayi* kumpala kua Yehowa bafuale bilamba bia kishila.*
3 Eyi dia Yehowa adipushika kunundu kua mema,Efile Mukulu sha ntumbo akungula nka bu kapandapanda.
Yehowa e kunundu kua mema e bungi.
4 Eyi dia Yehowa di na bukome,Eyi dia Yehowa di na ntumbo.
5 Eyi dia Yehowa aditshokola mitshi ya sedre,Oolo, Yehowa asaasula mitshi ya sedre ya mu Lebanone.
6 Akitshi bia’shi miengie ya Lebanone iitumbe nka bu kana ka ngombe,Na muengie wa Siryone witumbe nka bu muana a ngombe mulume a mu kisuku.
7 Eyi dia Yehowa adibadima na kutuusha ndimi ya kaalo.
8 Eyi dia Yehowa aditshinkisha kabaaka,Yehowa atshinkisha kabaaka ka Kadeshe.
9 Pa muanda wa eyi dia Yehowa, ntengu asuusu na atanda,Na eyi diaye adikuukula masaki a mu mitamba.*
Na boso be mu ntempelo aaye abamba’shi: “Ntumbo kui Efile Mukulu!”
10 Yehowa mmushale mu nkuasa aaye a bufumu kunundu kua mema e bungi,Yehowa mmushale mu nkuasa aaye bu Nfumu bua loso.
11 Yehowa akapa muilo waye bukome,Yehowa akelela muilo waye miabi pa kuibapa butaale.
