Musambo 44:1-26
Kui mukunkushi. Musambo wa bana ba Kora. Masikile.*
44 Ô Efile Mukulu, tui bepushishe na matui eetu,Bamashetu kulu mbetulondele,Mianda ibodi mukite mu mafuku aabo,Mu mafuku a kala ngofu.
2 Bodi mubingie miilo n’eyasa diobe,Na obe nkutuula bamashetu kulu mu ma mbalo aabo.
Bodi mufingakashe miilo na obe nkuiyikatusha.
3 Nta nku lupete luabo lua ngoshi kubaabadi bapiane nsenga,Na nta mboko yabo ibaadi itshokole,Anka babaadi beyipiane kukiila ku eyasa diobe dibalume na mboko yobe, na ku etaata dia mpala yobe,Muanda bodi muibakumiine.
4 Ô Efile Mukulu, we Nfumu ande;Pa namu Yakobo kutshimuna* kukata.
5 Kukiila ku bukome bobe, atukabingi beshikuanyi betu,Muishina diobe, atukafuntu baba abebo bua kuituluisha.
6 Muanda ntshi mukulupile buta buande,Na lupete luande lua ngoshi ntandulombene kumpaasha.
7 Nnobe baadi muitupaashe kui beshikuanyi betu,Bodi mukuatshishe baba babaadi betushikue buufu.
8 Atukatumbisha Efile Mukulu munda mua efuku dioso dishima,Na atukatumbisha eshina diobe bua loso. (Sela)
9 Kadi binobino buetulekiela na buetukuatshisha buufu,Na tokuete kuenda dingi na kiluilo kietu mu ngoshi.
10 Okuete kukita bia’shi tusuukie kumpala kua beshikuanyi betu,Baba betushikue abetuata bioso biabakumiina.
11 Buetutuulu mu maasa muabo bua’shi betuipee nka bu mikooko,Buetupalakasha munkatshi mua miilo.
12 Boudisha muilo oobe ku bisumanga,Kushi kuimuipetela kantu.
13 Buetukuatshisha buufu kui bantu bekungishene netu,Buetuikasha bu kintu kia kusenga na kusepibua kui baba boso betuifuunyishe.
14 We muituikashe bu kintu kia kubepuula munkatshi mua miilo,Bantu abetutala abapuku mitue.
15 Nkuete kuipusha muishibue milongo munda mua efuku dishima,Buufu mbunganyiine,
16 Pa muanda wa mayi aabo a kungolomona na kunkaa,Pa muanda wa muishikuanyi eetu kuete kuiobuela.
17 Sunga biekala’shi bino bioso mbitufikile, tatui bakulube,Na tatui bayipee kilombeno kiobe.
18 Mashimba eetu ntangapambukie,Na ngua yetu ntangipambukie muishinda diobe.
19 Kadi buetusooso pa mbalo ayishalelaa miseu,We muitubuikile mufito wibukopo.
20 Su tui balube eshina dia Efile Mukulu eetu,Sunga koolola maboko eetu bua kuteka b’efile benyi,
21 Efile Mukulu tabadia kuibitundula su?
Muanda Efile Mukulu aukaa mianda ifuame ya muishimba.
22 Pa muanda oobe, bakuete kuituipaa efuku dioso,Bantu bakuete kuitumona nka bu mikooko ya kuipaa.
23 Buuka namu Ô Yehowa. Buakinyi otungunuka na kulala?
Pasuka! Leka kuitusumbushena bua loso.
24 Buakinyi ofuamisha mpala yobe?
Buakinyi bolubu malua na kukiengieshibua kuetu?
25 Muanda tui bayishibue mpa na mu lufufi,Mbidi yetu mbeyifinye mu nsenga.
26 Ebuee namu bu mupaashi eetu!
Etupaashe* namu pa muanda wa kifulo kiobe kia lulamato.
