Musambo 91:1-16
91 Yawa oso mushale mu mbalo ifuame ya Sha Kuiyilu Kula,Akashala mu mutaala wa Sha Bukome Boso.
2 Nakalungula Yehowa’shi: “Obe we kifuamino kiande na mbalo yande ya kusuukila,Efile Mukulu ande andi mukulupile.”
3 Muanda akakupaasha ku muteo wa mpibue a tonyi,Na ku kipupa akipayishena.
4 Akakupuutu* na mapushi a mbaba yaye,Okafuamina muushi mua mbaba yaye.
Lulamato luaye aluikala bu ngabo mukata na bu kimano akikukaluila.
5 T’okatshinyi bintu abikuatshishenaa moo bufuku,Sunga mikietue ayifiki kodi mu kanya,
6 Sunga kipupa akiifunyu mu mufito,Sunga kabutu akabutula mu kanya elangalanga.
7 Bantu kinunu abakapono ku lupese lobe,Na bantu binunu ekumi ku mboko yobe ibalume,Kadi obe, takui su nkimune kia kuabidi akikeseesela pepi nobe.
8 Okebimono penda na meso oobe,Na kuimuena kuabanyoko bantu babi.
9 Muanda we muakule’shi: “Yehowa nkifuamino kiande,”We muikashe Sha Kuiyilu Kula bu mbalo yobe ya kushalela.
10 Masaku su ngamune taakakufikila,Na takui kipupa su nkimune akikeseesela pepi na kashibo kobe k’epema.
11 Muanda akatumina mikeyilu yaye eyi pa muanda oobe,Bua kukulama mu mashinda oobe oso.
12 Abakakutuala mu maasa aabo,Bua’shi luao loobe talukokolanga kuibue.
13 Okashina muana a ntambue na nyoka a kobra.
Okafuntu ntambue e na buaa bui bungi mu nshingo na nyoka mukata.
14 Efile Mukulu akula’shi: “Bu biadi munfule, nakamupaasha.
Nakamukaluila muanda auku eshina diande.
15 Akangitamina na nakamualula.
Nakekala naye mu nsaa ya dikienga.
Nakamupaasha na nakamutumbisha.
16 Nakamuikutshisha na muwa munda mua mafuku ebungi,Na nakakitshi bia’shi amone bikitshino biande bia kipandilo.”
Mayi e mushi mwesaki
^ Sunga “akashiki eshinda adiende kodi.”
