Musambo 116:1-19
116 Ne mufule Yehowa,Muanda ateemeshaa* eyi diande na kudila kuande bua kuteka bukuashi.
2 Muanda ayinamaa* bua kunteemesha,Na nakamuitamina mafuku oso anekala na muwa.
3 Mioshi ya lufu ikeele inganyiine.
Mashama ekeele ankuate.
Dikienga na kinyongua abikalanga binnemeene.
4 Kadi nayitamiine eshina dia Yehowa, namba’shi:
“Ô Yehowa mpaashe namu!”
5 Yehowa nsha kalolo na kululama.
Efile Mukulu eetu nsha lusa.
6 Yehowa alamaa bantu bashi na kiukilo.
Naadi mukutue bukome, na aye nkumpaasha
7 Anyima* ande ayikishe dingi,Muanda Yehowa bankitshina mianda na kalolo.
8 We mumpaashe ku lufu,We munkumune mpolo ku meso, okita bia’shi ngua yande tayikokolanga.
9 Nakatambuka kumpala kua Yehowa mu nsenga ya be na muwa.*
10 Naadi na lukumiino, muanda nakuile.
Naadi mukalakashue ngofu.
11 Kadi buande’mi naadi mupangayikie namba’shi:
“Muntu oso nsha madimi.”
12 Nkinyi kiandi mulombene kufuta YehowaBua mianda yoso ibuwa yadi munkitshine?
13 Nakata ekopo dia kipandilo,*Na naketanyina eshina dia Yehowa.
14 Nakalombasha mitshipo yande yandi mukite kui YehowaKumpala kua muilo waye oso.
15 Lufu lua basha lulamato bayeLui na muulo ukata ku meso kua Yehowa.
16 Nakusendeela, Ô Yehowa,Muanda ne mufubi oobe.
Ne mufubi oobe, muana a mpika oobe mukashi.
We mumpososhe mu nkano yande.
17 Nakakulambula mulambu wa lutumbu,Naketanyina eshina dia Yehowa.
18 Nakalombasha mitshipo yande yandi mukite kui YehowaKumpala kua muilo waye oso,
19 Mu mpango ya nshibo ya Yehowa,Munkatshi mobe, Ô Yelusalema.
Tumbishayi Yah.*
