Musambo 6:1-10
Kui mukunkushi, bua kuyimba na biombuanga bia mioshi biabadi basokie pa Sheminite.* Musambo wa Davide.
6 Ô Yehowa tonsashilanga namu mu nsungu yobe,Na tondudikanga podi na nsungu i bukopo.
2 Ndeshe namu lusa Ô Yehowa, muanda ne mubofule.
Mpaashe namu Ô Yehowa, muanda mifufua yande ikuete kusuusa.
3 Oolo ne mukalakashue ngofu,Na nkuete kukuipusha, Ô Yehowa, uno muanda aukayisha mpa na nsaa kinyi?
4 Ealushe Ô Yehowa na ompaashe,Mpaashe namu pa muanda wa kifulo kiobe kia lulamato.
5 Muanda bafue t’abatemunaa* eshina diobe,Nnanyi akakutumbisha mu Mashama?*
6 Nakooko pa muanda wa kudila,Bufuku bushima natopesha lusala luande na mpolo,Mpolo yande ayitopesha lusala nka bu mema pa muanda wa kudila ngofu.
7 Meso ande ngakookie pa muanda wa kinyongua kiande,Ntamono dingi kalolo pa muanda wa baba boso abankiengiesha.
8 Ndayi kula nami, anue boso bakuete kukita mianda i bubi,Muanda Yehowa akateemesha kudila kuande.
9 Yehowa akateemesha luteko luande lua kukuminyibua,Yehowa akapusha luteko luande.
10 Beshikuanyi bande boso abakakuatshika buufu na moo,Musango umune abakaluka kunyima na buufu.
