Musambo 145:1-21
Musambo wa kutumbisha wa Davide.
א [Alefe]
145 Nakakutumbisha, Ô Efile Mukulu, obe Nfumu ande,Nakatumbisha eshina diobe bua loso.
ב [Bete]
2 Nakakutumbisha munda mua efuku dishima.
Nakatumbisha eshina diobe bua loso.
ג [Gimele]
3 Yehowa mmukata na mmulombene ntumbo ikata,Bukata buaye mbukile mpushisho eetu.*
ד [Dalete]
4 Bipungo na bipungo bia bantu abikatumbisha midimo yobe,Abikakula pabitale bikitshino biobe bia bukome.
ה [He]
5 Abakakula pabitale ntumbo ikata ya kinemo kiobe,Na nakanangushena ku midimo yobe ya kukaanya.
ו [Wawe]
6 Abakakula pabitale bikitshino biobe abikuatshisha moo,*Na nakaukisha bukata bobe.
ז [Zayine]
7 Abakekala na bibungi bia kuakula pabakatentekiesha kalolo kobe kakata,Na abakele misaase ya muloo pa muanda wa kululama kobe.
ח [Hete]
8 Yehowa nsha lusa n’eshimba dia kalolo,Sh’akuataa nsungu bukidi, na mmuule ndaa na kifulo kia lulamato.
ט [Tete]
9 Yehowa e buwa kui bipangua biaye bioso,Na lusa luaye alumueneka kalolo mu midimo yaye yoso.
י [Yode]
10 Midimo yobe yoso ayikakutumbisha, Ô Yehowa,Na ba sha lulamato bobe abakakutumbisha.
כ [Kafe]
11 Abakalungula pabitale ntumbo ya bufumu bobe,Na abakakula pabitale bukome bobe.
ל [Lamede]
12 Bua kuiukisha bantu bikitshino biobe bia bukomeNa ntumbo ikata ya bufumu bobe.
מ [Meme]
13 Bufumu bobe mbufumu bua loso,Na kumunana kobe akuikala kuanka bua bipungo bioso.
ס [Sameke]
14 Yehowa akuatshishenaa boso abapono,Na ebueshaa boso babandame.
ע [Ayine]
15 Meso oso ngatadiile kodi na lukulupilo,Webapaa bia kudia mu kipungo kilombane.
פ [Pe]
16 Obuula eyasa diobe,Na olombasha lukalo lua kintu kioso ki na muwa.
צ [Tsade]
17 Yehowa mmululame mu mashinda aaye oso,Na e na lulamato mu bioso bi’akitshi.
ק [Kofe]
18 Yehowa e pepi na baba boso abamuitamina,Baba boso abamuitamina mu binyibinyi.
ר [Reshe]
19 Alombashaa nkalo ya baba abamutshinyi,Ateemesha kudila kuabo kua kuteka bukuashi na ebapaasha.
ש [Shine]
20 Yehowa alamaa baba boso bamufule,Kadi bantu bebubi boso akebabutula.
ת [Tawe]
21 Mukanua muande amukaukisha ntumbo ya Yehowa;Kintu kioso ki na muwa kitumbishe eshina diaye dia kishila bua loso.
