Musambo 38:1-22
Musambo wa Davide, aukuasha bua kutentekiesha.
38 Ô Yehowa tonsashilanga namu podi na nsungu,Sunga kunnyoka na nsungu.
2 Muanda mikietue yobe ngintubule,N’eyasa diobe adinnemeena bushito.
3 Mbidi yande yoso ishima i na maladi* pa muanda wa nsungu yobe,Mifufua yande tayi na butaale pa muanda wa muluisho wande.
4 Muanda bilubilo biande mbiiwunguishe mutuuto kunundu kua mutue wande,Bi nka bu kiita ki bushito kianshii mulombene kusemuna.
5 Malonda ande aanunku na kutuusha tufina,Pa muanda wa kubulakana kuande.
6 Ne mukalakashue, na ne na kinyongua kikile bukata,Natambuka muinyongole efuku dishima.
7 Munda muande mukuete kuntemba kaalo,Mbidi yande yoso ishima i na maladi.
8 Ne mufudiile ngofu na ne musoosekie bikile,Pa muanda wa busungu bui muishimba diande, nantompola n’eyi dibukopo.
9 Ô Yehowa, ouku nkalo yande yoso,Kudila kuande ntakufuame kumpala kobe.
10 Eshimba diande adinkupila munda, bukome buande boso bubaapu,Mu meso mubangiele mufito.
11 Bakuuku na benami babansuuku pa muanda wa malonda ande,Bantu banekalaa muiwubidishene nabo tabadi nami nka kula.
12 Baba abakimbi muwa wande, mbantee tuteo,Bano abakimbi kunkitshina bibubi, abesamba pabitale bia kungipaa.
Abandimbiila mianda ya madimi munda mua efuku dishima.
13 Kadi nka bu muntu shapushaa,* ntshikuete kuibapusha nya,Nka bu kamaama, ntshikuete kufungula mukanua muande.
14 Ne mufikie nka bu muntu shapushaa,Uno shi na mukanua mua kuakula bua kuilamuina.
15 Muanda obe nyi andi mutengiele, Ô Yehowa,Na bodi mungaluule, Ô Yehowa Efile Mukulu ande.
16 Muanda nambile’shi: “Tabasankanga bua makienga ande,Sunga kungielela mapampa kuiyilu apaselemuka mikoolo yande.”
17 Muanda nekalanga pepi na kupona,Na busungu buande bubaadi nka munda muande nsaa yoso.
18 Ne mutonde bilubilo biande,Muanda nekeele mukalakashue bua muluisho wande.
19 Anka, beshikuanyi bande be bukome na mbilobo,*Baba banshikue kushi kabingilo babafuimi.
20 Abangaluisha bubi ku buwa,Abakimbi kunkutshisha bua kutungunuka na kukita bibuwa.
21 Tonsumbushenanga namu, Ô Yehowa.
Ô Efile Mukulu, toshalanga kula n’ami.
22 Fika namu bukidi onkuashe,Ô Yehowa, obe kipandilo kiande.
