Musambo 63:1-11
Musambo wa Davide, pabaadi mu kabaaka ka Yunda.
63 Ô Efile Mukulu, we Efile Mukulu ande, nkuete kutungunuka na kukukimba.
Ne na nyota yobe.
Ne mukufule muanda ne na lukalo lukata lobe,Mu nsenga yume mushi mema na mushi kintu.
2 Biabia ne mukutale mu mbalo yobe ya kishila.
Ne mumone bukome bobe na ntumbo yobe.
3 Muanda kifulo kiobe kia lulamato ki buwa kukila muwa,Milomo yande ayikakutumbisha.
4 Biabia nakakutumbisha mu muwa wande woso.
Nakebuesha maasa muiyilu muishina diobe.
5 Ne muikute na bintu bikile buwa,*Biabia mukanua muande amukakutumbisha na muloo kuishimba.
6 Nakutentekieshaa pandi ku lusala luande.
Nanangushenaa pabikutale munda mua bufuku bushima.
7 Muanda we mukuashi ande,Na neele misaase ya muloo mu mutaala wa mbaba yobe.
8 Ne mulamate kodi bibukopo.
Mboko yobe ibalume nginkuate bibukopo.
9 Kadi baba abakimbi kushimisha muwa wande,Abakayiki muushi mua nsenga.
10 Abakebabutula ku bukome bua lupete lua ngoshi.
Abakafiki biakudia bia mikiengie.
11 Kadi nfumu akapetela muloo waye mui Efile Mukulu.
Muntu oso etshipi Muadi ekala na muloo,Muanda mukanua mua baba abakula mianda ya madimi amukauminyishibua.
Mayi e mushi mwesaki
^ Kish ku kish. “na bintu bi muenyi na bi muimu.”
