Musambo 37:1-40
Wa Davide.
א [Alefe]
37 Tofiitanga munda pa muanda wa bantu bebubiSunga kulakila ba nkitshishi ba bubi.
2 Abakafumbu nka bu lubishi,Na kuuma nka bu lubishi luana.
ב [Bete]
3 Kulupila mui Yehowa na okite mianda ibuwa,Shala pa nsenga* na okite mianda na lulamato.
4 Petela muloo wibungi mui Yehowa,Na aye namu, akakulombeesha nkalo ya muishimba diobe.
ג [Gimele]
5 Tuula eshinda diobe mu maasa mua Yehowa,Mukulupile, aye namu akakukuasha.
6 Akakitshi bia’shi kululama kobe kumekiemekie nka bu etaata dia ku nkielo,Na kululama kobe nka bu kanya ka munkatshi muefuku.
ד [Dalete]
7 Shala muwumiine kumpala kua Yehowa,Na omutengiele na luishinko loso.
Tofiitanga munda bua muntuAobesha mpango yaye ibubi.
ה [He]
8 Leka nsungu na olekie bukielo,Tofiitanga munda, muanda bino abikufikisha mu kukita bibubi.*
9 Muanda bantu bebubi abakashimishibua,*Kadi baba abakulupila mui Yehowa, abakapiana nsenga.
ו [Waw]
10 Mu kapindi kapeela’mu bantu bebubi tabakekala dingi kuanka,Okatala mbalo ibaabadi,Tabakekala dingi panka.
11 Kadi bantu beyishe abakapiana nsenga,Na abakapete muloo ukata mu butaale buibungi.
ז [Zayine]
12 Muntu mubi adiila muntu mululame lukuku,Amudiila eyino.
13 Kadi Yehowa amusepe,Muanda Auku’shi efuku diaye adifiki.
ח [Hete]
14 Bantu bebubi abasomona mpete yabo ya ngoshi na kunana mata aabo,Bua kuponesha bantu abakiengieshibua na balanda.
Na bua kuipaa muntu mululame.
15 Kadi mpete yabo ayikatubula mashimba aabo’bo banabene,Na mata aabo aakatshokoka.
ט [Tete]
16 Bintu bipeela bia muntu mululame bi buwa,Kukila bintu bibungi bia bantu bebubi bebungi.
17 Maboko a bantu bebubi aakatshokolua,Anka Yehowa akakuatshishena bantu balulame.
י [Yode]
18 Yehowa auku mianda ayifumankanaa nayo bantu bashi na matope,*Bupianyi buabo, abukekala kuanka bua loso.
19 T’abakakuatshika buufu mu kipungo kia makienga,Na mu kipungo kia nsala abakekala na biakudia bibungi.
כ [Kafe]
20 Kadi bantu babi abakashimina,Beshikuanyi ba Yehowa abakashimina nka bu abishiminaa buwa bua bilongo,Abakashimina nka bu miishi.
ל [Lamede]
21 Muntu mubi eyapulaa bintu na t’ebialushaa,Anka muntu mululame e na kalolo* na apaanaa.
22 Baba Baadi muelele miabi abakapiana nsenga,Kadi baba Baadi muele mulua abakabutudibua.
מ [Meme]
23 Su Yehowa basangeela eshinda dia muntu,Aludika matabula a yawa muntu.
24 Sunga apona, t’ekala mufinyibue mu nsenga,Muanda Yehowa akamukuata ku mboko bua kumukuatshishena.
נ [Nune]
25 Naadi mukinga, kadi binobino ntandi mununu,Kasha ntamuene muntu mululame abadi basumbushene,Sunga bana baye abende na kuteka biakudia.*
26 Eyapushenaa bintu mafuku ooso kushi kutengiela kintu,Na bana baye abakapete miabi.
ס [Sameke]
27 Suuka mianda ibubi okite mianda ibuwa,Biabia okashala kuanka bua loso.
28 Muanda Yehowa mmufule kululama,Na t’akasumbushena bantu baye ba sha lulamato.
ע [Ayine]
Abakekala nka balamiibue,Kadi bana ba bantu babi abakashimishibua.
29 Bantu balulame abakapiana nsenga,Na abakashala panka bua loso.
פ [Pe]
30 Mukanua mua muntu mululame amuakulaa mianda ya binangu,*Na ludimi luaye aluakulaa mianda ya kululama.
31 Muiya wa Efile Mukulu aaye wi muishimba diaye,Na mikoolo yaye tayikaselemuka.
צ [Tsade]
32 Muntu mubi abembeelaa muntu mululame,Na akimbi bia kumuipaa.
33 Kadi Yehowa t’akamutadiila mu maasa mua yawa muntu,Sunga kupeta’shi mmupiile nsaa yamusambisha
.ק [Kofe]
34 Kulupila mui Yehowa na olonde eshinda diaye,Akakupa kinemo kia kupiana nsenga.
P’abakabutula bantu babi, okamono uno muanda.
ר [Reshe]
35 Ne mumone muntu shi na lusa, muntu mubi,Ende kumpala nka bu mutshi utumpukie wi pa nsenga paudi umenene.
36 Kadi baadi mushimine musango umune, na tabaadi dingi kuanka,Naadi mutungunukie na kumukimba, tabaadi dingi kuanka.
ש [Shine]
37 Bekieela muntu shi na matope,Na oshale mutale muntu mululame,Muanda nshalelo a uno muntu ekala a butaale mu mafuku aafiki.
38 Kadi bantu boso abakitaa bibubi abakabutudibua,Na lukulupilo lua bantu babi alukashimina.
ת [Tawe]
39 Kipandilo kia bantu balulame akikatukilaa kui Yehowa,Aye nkifuamino kiabo mu nsaa ya makienga.
40 Yehowa akebapaasha na kuibakuasha,Akebakaluila kui bantu bebubi na kuibapaasha,Muanda mbafuamine muadi.
