Musambo 147:1-20
147 Tumbishayi Yah!*
Bi buwa kuyimba* bua kutumbisha Efile Mukulu eetu,Abisankisha na mbikumbane bua kumutumbisha!
2 Yehowa kuete kuibakuula Yelusalema,Abungu bena Isalele babaadi bapalakane.
3 Apaashaa ba sha mashimba asaasukie,Na abuku* malonda aabo.
4 Abadikaa bungi bua nyenyenyi,Etanyinaa loso lua kuayidi muishina dialo.
5 Nfumuetu mmukata na e na bukome bukile bungi,Binangu* biaye tabi na nfudiilo.
6 Yehowa akaamisha bantu beyishe,Anka asumbula bantu babi mu nsenga.
7 Imbilayi Yehowa na lutumbu;Imbayi bua kutumbisha Efile Mukulu eetu pamune na luseese,
8 Yawa apuutaa eyilu na makumbi,Yawa anokieshaa mpeshi pa nsenga,Nnaye ameneshaa lubishi ku miengie.
9 Apeyaa nyema bia kudia,Tuana tua manganga atudidi bua kuteka bia kudia.
10 T’amonaa bukome bua nfualasa bu kintu,Na mikoolo ya muntu ibukome t’ayimukaanyishaa.
11 Yehowa asankaa na baba abamutshinyi,Baba abatengiela kifulo kiaye kia lulamato.
12 Tumbisha Yehowa, Ô Yelusalema.
Tumbisha Efile Mukulu oobe, Ô Siyona.
13 Anyingisha bibayilo bia ku biibi bia kibundi kiobe;Kuete kuelela bana bobe miabi.
14 Afuisha butaale mu nsenga yobe;Akuikutshisha na ntete ya blé ikile buwa.
15 Atumu eyi diaye pa nsenga;Eyi diaye adiende lubilo.
16 Atumu neje nka bu buaa bua mikooko;Apalakasha milemba i mashika nka bu buto.
17 Apongolosha mabue aaye a mpeshi nka bu tupese tua mikate,Nnanyi mulombene kuimana kumpala kua mashika aaye?
18 Atumu eyi diaye na abisunguluka.
Elesha kipapi na mema aalala.
19 Alungula Yakobo eyi diaye,Alungula Isalele miiya na biimu biaye.
20 Tamuibikite na ungi muilo su ngumune;T’abauku kintu su nkimune pabitale biimu biaye.
Tumbishayi Yah!*
