Musambo 5:1-12
Kui mukunkushi, bua Nehilote.* Musambo wa Davide.
5 Ô Yehowa teemesha mayi ande,Teemesha namu kuidila kuande.
2 Pusha namu kudila kuande kua kuteka bukuashi,Ô Nfumu ande na Efile Mukulu ande, muanda Obe nyi ankuete kuteka.
3 Ô Yehowa okapusha eyi diande ku namashika,Ku namashika nakakulungula mianda yande na nakakutengiela na lukulupilo loso.
4 Muanda we Efile Mukulu shasankaa na mianda i bubi,Muntu mubi su ngumune takashala pepi nobe.
5 Muntu sha kuikaamisha ta mulombene kuimana kumpala kobe,We mushikue baba abakitaa mianda ibubi.
6 Okabutula ba sha madimi.
Yehowa mmushikue ba sha bukielo na ba sha madimi.
7 Anka ami nakafiki mu nshibo yobe, muanda wa kifulo kiobe kia lulamato kikile bukata.
Nakayinama mutadile ku ntempelo oobe a kishila, bua kukulesha kanemo kande kakata.
8 Nkunkushe muishinda dia kululama, Ô Yehowa, pa muanda wa beshikuanyi bande.
Ntosheshe namu eshinda diobe.
9 Takui muanda wa kukulupila su ngumune wabadi balombene kuakula;Munda muabo mui’nka mianda ibubi;Mudibu wabo mmashama abuule;Be na ludimi lua lubombo.*
10 Anka Efile Mukulu akebatopeka,Mianda yabo ibubi yabakiebe kukita ayikebaponesha,Babingibue muanda wa bilema biabo bikile bungi,Muanda mbakutombokiele.
11 Anka baba boso abafuamina modi abakasanka,Abakeele misaase ya muloo mafuku oso.
Okashikiila bantu be bubi bua’shi tabeseselanga kuabadi,Na baba bakumiine eshina diobe abakapetela muloo kodi.
12 Muanda okelela bantu balulame boso miabi, Ô Yehowa!
Okebefunyisha na kukuminyibua nka bu na ngabo ikata.
