Musambo 16:1-11

  • Yehowa nyi Nsulo a bioso bibuwa

    • “Yehowa nyi nkipindi kiande” (5)

    • ‘Binangu biande abindudika bufuku’ (7)

    • ‘Yehowa e ku mboko yande ibalume’ (8)

    • “T’okandekieela mu Mashama” (10)

Miketame* ya Davide. 16  Nkaluile namu Ô Efile Mukulu, muanda ne mufuamine modi.  2  Ne mulungule Yehowa’shi: “Obe we Yehowa, nsulo yande ya bioso bi buwa.  3  Na beselele ba pa nsenga,Bantu ba kinemo, abampaa muloo ukata.”  4  Baba abalondo bangi b’efile abefuimishila makienga. Ntshi mulombene kupongoola milambu yabo ya bitomuanga ya mase,Sunga milomo yande t’ayikatemuna mashina aabo.  5  Yehowa nyi nkipindi kiande, kipindi kiande kiabadi bampe na kipulu kiande. Olama bupianyi buande.  6  Mbampimine ma mbalo ebuwa. Oolo, ne na muloo bua bupianyi buande.  7  Natumbisha Yehowa, aye mumpe elango. Sunga bufuku, binangu bi munda muande abindudika.  8  Ne mutuule Yehowa kumpala kuande nsaa yoso. Bu biadi ku mboko yande ibalume, ntankasanyishibua su nkapeela.  9  Biabia eshimba diande di na muloo, ami oso mushima ne na disanka. Na nashala ku matui talalaa. 10  Muanda tokandekieela* mu Mashama,*T’okatadiila’shi muntu oobe sha lulamato ashale mu buina.* 11  We mungukishe eshinda dia muwa. Kumpala kobe kui muloo wibungi,Muloo wi ku mboko yobe ibalume bua loso.

Mayi e mushi mwesaki

^ Tala Kipatuluilo kia Bishima.
^ Sunga “anyima ande.”
^ Sunga “Sheole,” kuamba’shi mashama a bantu boso. Tala Kipatuluilo kia Bishima.
^ Sunga pangi “anyangie.”

Copyrights for this publication