Musambo 32:1-11
Wa Davide. Masikile.*
32 Sha muloo ngiawa abadi bafuile lusa bua kuipaa kuaye kua miiya, yawa abadi babuikiile muluisho waye.
2 Sha muloo ngiawa abashabamonaa kui Yehowa bu mupiile,Yawa shi na madimi muishimba diaye.
3 Panaadi muwumiine, mifufua yande ibaadi ayende na kuluila, pa muanda wa kutompola munda mua efuku dishima.
4 Muanda bufuku na kanya, eyaasa diobe dibaadi adinnemeena bushito.
Bukome buande bubaadi abupu* nka bu mema aakama mu kipungo kia kibobo. (Sela)
5 Nfudiilo a bioso, naadi mutonde miluisho yande kodi;Ntshi mufie kilubilo kiande.
Nambile’shi: “Nakatondo kuipaa kuande kua miiya kui Yehowa.”
Na bodi munfuile lusa ku kilubilo na ku miluisho yande. (Sela)
6 Nyi buakinyi muntu oso e na lulamato akakutekie,Poki mulombene kupetshibua.
Biabia sunga mieleshi ya mpeshi e bukopo t’ayikamukumu.
7 Obe we mbalo yande ya kufuaminaOkankaluila ku makienga.
Okanyifunyisha na misaase ya muloo ya kupaashibua. (Sela)
8 Nakakupa binangu na nakakulongiesha eshinda diodia kutambukila.
Nakakupa elango na eyiso diande adikala podi.
9 Tanuikalanga bu nfualasa sunga bu mpunda ishi na binangu,Ayitungu’shi beyeele moshi sunga moolo ku mbanga bua kuiyikanda,Kumpala kua’shi ifikie pepi nobe.
10 Makienga a muntu mubi aekalaa ebungi,Kadi yawa mukulupile kui Yehowa mmuifunyishibue na kifulo kiaye kia lulamato.
11 Sankilayi mui Yehowa na nuikale na muloo anue bantu balulame;Elayi misaase ya muloo anue boso be na mashimba alulame.
