Musambo 30:1-12
-
Kinyongua kibaluluka, kibafiki muloo
-
Kukuminyibua n’Efile Mukulu nkua loso (5)
-
Musambo wa kulambula nshibo. Musambo wa Davide.
30 Nakakutumbisha Ô Yehowa, muanda we munkaamishe,Tuemulekiele beshikuanyi bande bua’shi basankie pa muanda wande.
2 Ô Yehowa Efile Mukulu ande, ne mukudidile bua kukuteka bukuashi, na obe nkumpaasha.
3 Ô Yehowa, we muntuushe mu Mashama.*
We mundame na muwa, na we munkaluile bua’shi ntshiponanga mu buina.*
4 Imbilayi Yehowa misambo* bua kumutumbisha, anue bantu baye ba sha lulamato,Mutumbuleyi bua eshina diaye dia kishila.
5 Kuitukuatshila kuaye kua nsungu nkua kapindi kapeela,Kadi kukuminyibua naye nkua loso.
Kudila kui kufika ku kiolua, kadi kunamashika kuekala musaase wa muloo.
6 Panekalanga mu butaale nambile’shi:
“Ntankasanyishibua su nkapeela.”
7 Ô Yehowa, panekalanga mukuminyibue nobe, bodi munyingishe nka bu muengie.
Anka pobofuamiishe mpala yobe, moo wibukopo ubankuatshile.
8 Nadi mutungunukie na kuela misaase kodi, Ô Yehowa,Na natungunuka na kuiyayila Yehowa bua kukuminyibua naye.
9 Kufua kuande na kuyika kuande kua mu buina* kui na bukuashi kinyi?
Lufufi alukakutumbisha su? Ndulombene kulungula bantu pabitale lulamato lobe su?
10 Nteemeshe namu, Ô Yehowa na ondeshe kalolo.
Ofikie mukuashi ande, Ô Yehowa.
11 Boluula kudila kuande kubafiki masha a muloo,We munfuule mpaya, obe nkunfuadika muloo.
12 Bua’shi ngimbe misambo ya kukutumbisha nayo kushi kushala muwumiine.
Ô Yehowa Efile Mukulu ande, nakakutumbisha bua loso.
