Musambo 36:1-12
Kui mukunkushi. Wa Davide mufubi a Yehowa.
36 Mianda ibubi i muishimba dia muntu ayimutakulaa bua kukita bibubi.
Te na kutshina kua Efile Mukulu.
2 Pa muanda emono na kinemo kikile,T’ashingulaa bilubilo biaye sunga kuibishikua.
3 Mayi a mukanua muaye nga madimi na aatapa kuishimba;T’auku bia kukita mianda ibuwa.
4 Mpa nka na paadi ku lusala luaye, anangushena nka bua kukita mianda ibubi.
Mmutuele muishinda dishi buwa,T’akumiina kuleka kukita mianda ibubi.
5 Ô Yehowa, kifulo kiobe kia lulamato nkikafikie mpa na muiyilu,Lulamato lobe ndukafikie mpa na mu makumbi.
6 Kululama kobe kuinka bu miengie* ikata;Biimu biobe namu binka bu mema akata, ala,Ô Yehowa, olamaa* muntu na nyema.
7 Ô Efile Mukulu, kifulo kiobe kia lulamato ki na muulo ukata,Bana ba bantu abafuamina mu mutaala wa mbaba yobe.
8 Abatomo bintu bikile buwa bia mu nshibo yobe, na abekuta,Na webatomesha ku muela ukata wa buwa bobe.
9 Kodi nyi kui nsulo ya muwa,Ku bukuashi bu’etaata diobe atumono etaata.
10 Tungunuka na kulesha kifulo kiobe kia lulamato kui baba abakuuku,Na kululama kobe kui baba be na mashimba alulame.
11 Totadiilanga bua’shi luao lua muntu e na kuitatula lungashine,Sunga eyasa dia muntu ebubi bua’shi dimbingie.
12 Tala kupoone ba nkitshishi ba mianda ibubi;Mbebashinde mu nsenga na tabe na bia kuibua.
