Musambo 65:1-13
Kui mukunkushi. Musambo wa Davide. Loono.
65 Ntumbo ngikutengiele mu Siyona, Ô Efile Mukulu;Atukakumbasha mitshipo yetu kodi.
2 Ô obe apushaa nteko,* bantu ba mishindo yoso abakafiki kodi.
3 Bilubilo biande mbimbuikiile,Kadi obe obuikila miluisho yetu.
4 Sha muloo ngiawa oodi musangule na oodi mukakie bua kuiseesela pepi nobe,Bua kushala mu mpango yobe.
Atukekuta buwa bua mu nshibo yobe,Ntempelo oobe a kishila.
5 Oketualula na bikitshino bia kululama bia kukaanya,Ô Efile Mukulu a kipandilo kietu;Obe we Lukulupilo lua baba boso be ku nfudiilo kua nsenga,Na baba be kula ngofu, bushiya bua kalunga ka mema.
6 We munyingishe miengie ku bukome bobe,We mufuale bukome.
7 Obe opooshaa tulunga tua mema tutombokie,Eunga dia mbundambunda yato na kutomboka kua miilo.
8 Bantu bashale ku ma mbalo e kuibula abakakaanya p’abakamono bitunduilo biobe.
Okakitshi bia’shi baba be kutunduka nguba na kupona nguba beele tukundakunda tua muloo.
9 Okuete kupasukila nsenga,We muiyiushe na bintu bibungi na bupeta.
Tu misulo atukatukila kui Efile Mukulu ntuule na mema.
We mupe bantu ntete,Muanda biabia nyi bibodi mulumbuule nsenga.
10 Otopesha mikola yayo na kubaatakasha nsenga yayo yabadi basebe.
Weyibofusha na mpeshi, welela bikunuanga miabi p’abikulu.
11 Ousha mafuku a ku kipua na bintu bikile bungi.
Mbalo yokidila, ayiwulu na bintu bikile bungi.
12 Ma mbalo a kudishila nyema a mu kabaaka ngaule na lubishi,Dingi miengie ngifuale muloo.
13 Ma mbalo a kudishila nyema ngaule na mikooko,Mabanda namu ngaule na ntete.
Abiele misaase ya muloo, oolo, abiyimbi.
Mayi e mushi mwesaki
^ Sunga “Muteemeshi a nteko.”
